Í boði hjá Eflingu

Náms- og starfsráðgjöf á fimmtudögum

Bókið viðtal í síma 510-7500

Margir þurfa á ýmiss konar ráðgjöf að halda í núverandi atvinnuástandi og nú er lag að nýta tímann til að efla sig í ýmiss konar starfs- og námsráðgjöf.  Að þessu tilefni hefur Efling-stéttarfélag ákveðið í samvinnu við náms- og starfsráðgjafa frá Mími–símenntun að bjóða upp á náms- og starfsráðgjöf á skrifstofu Eflingar alla fimmtudaga.

Náms- og starfsráðgjafi getur t.d. veitt:

• Upplýsingar um fjölbreytt nám og námsleiðir sem eru í boði fyrir fólk á vinnumarkaði og í atvinnuleit
• Aðstoð við að kanna áhugasvið og meta hvar styrkleikar liggja í námi eða starfi
• Aðstoð við að útbúa ferilskrá sem er mikilvægt tæki í atvinnuleit
• Aðstoð við að útvíkka hugmyndir í starfsleit
• Upplýsingar um möguleika á styrkjum úr fræðslusjóðum

Félagsmenn eru hvattir til að nýta sér þetta tækifæri til að fá upplýsingar og aðstoð í náms- eða starfsleit.
Ekki hika við að bóka tíma, það verður tekið vel á móti þér