Bókað í dagsferðir mánudaginn 10.júní
Í dagsferð Eflingar að þessu sinni verða farnir slóðar að Fjallabaki syðra.
Ferðadagsetningar eru 31. ágúst og 7. september
Minnum á að ferðalangar þurfa að hafa með sér nesti til dagsins, skjólgóðan fatnað og góða skó.
Lagt verður af stað stundvíslega kl. 8:15 frá húsnæði Eflingar, Sætúni 1.
Ferðinni lýkur með glæsilegu kaffihlaðborði milli kl. 17:00 -18:00 á Hellishólum í Fljótshlíð. Áætluð heimkoma er milli kl. 20:00-21:00.
Ferðin kostar 5.000 kr.
Orlofshús sumarið 2013
Opnað hefur verið fyrir rafræna umsókn um orlofsdvöl sumarið 2013. Umsóknarfrestur er til 15. mars n.k.
Laus íbúð á Stykkishólmi um helgina
Helgina 22. - 24. febrúar er laus íbúð á Stykkishólmi. Þeir sem hafa áhuga geta bókað í síma 510-7500.Páskaúthlutun orlofshúsa lokið
Úthlutun orlofshúsa um páskana 2013 er nú lokið. Bréf með upplýsinum úthlutun fara í póst í dag.
Páskaúthlutun orlofshúsa
Umsóknarfrestur rennur út 4. febrúar
Við minnum á að umsóknarfrestur um orlofsdvöl páskana 2013 rennur út næsta mánudag, 4. febrúar. Úthlutun mun liggja fyrir 11. febrúar. Húsin verða leigð út í viku frá 27. mars til 4. apríl n.k. Úthlutað er eftir punktakerfi og iðgjaldasögu félagsmanna síðustu 12 ár. Greiðslufestur verður til 25. febrúar og frá og með 4. mars verður svo hægt að athuga hvort eitthvað hafi fallið út.Páskaúthlutun orlofshúsa
Opnað hefur verið fyrir rafræna umsókn um orlofsdvöl um páskana. Félagsmönnum gefst nú kostur á að sækja beint um hér í gegnum vef Eflingar en einnig er hægt að fylla út umsóknareyðublöð sem nálgast má á skrifstofu félagsins og í síðasta félagsblaði.
Umsóknarfrestur er til 4. febrúar og mun úthlutun liggja fyrir 11. febrúar. Húsin verða leigð út í viku frá 27. mars til 4. apríl n.k. Úthlutað er eftir punktakerfi og iðgjaldasögu félagsmanna síðustu 12 ár.
Greiðslufestur verður til 25. febrúar og frá og með 4. mars verður svo hægt að athuga hvort eitthvað hafi fallið út.
Heimsókn í Brekkuskóg
Dvölin hér meiriháttar
- segir Ásta Skaftadóttir
Við erum í sumarleyfi og leigðum þetta hús hjá Eflingu og fengum eitt af þremur nýjum húsum sem tekin voru í notkun nýlega í Brekkuskógi, sagði Ásta Skaftadóttir sem vinnur á saumastofu hjá Sjóklæðagerðinni 66° norður í Miðhrauni á Hafnarfirði. Við komum hingað á föstudagskvöldi og dvölin hér hefur verið meiriháttar. Það var spáð leiðinda veðri og það rigndi duglega og ég verð að játa að ég beið eftir rigningu með mikilli eftirvæntingu. Vegna þess að frjókorn hafa gert mér lífið leitt í sumar, segir hún. En það hefur verið heitt í veðri og dúnalogn á kvöldin og við erum dugleg að fara í heita pottinn og förum seint að sofa,segir hún.
Thelma og Margeir taka við vinningnum af Helgu Sigurðardóttur starfsmanni Eflingar
Vinningshafi dreginn út í Sumargetraun Eflingar
Vinningshafi Sumargetraunarinnar þetta árið var Thelma Björk Gunnarsdóttir. Hún fékk vinning að upphæð 15.000kr fyrir rétt lausnarorð sem var Vegakortið. Með á myndinni er Margeir Óli. Thelma var ánægð með vinninginn og á peningurinn eftir að koma að góðum notum.
Orlofshús Eflingar
Byrjum að bóka vetrarleigu 13. ágúst!
Eins og undanfarin ár er mikil aðsókn í orlofshús Eflingar og voru öll húsin okkar fullnýtt í sumar. Bókanir í vetrarleigu hefjast 13. ágúst og er um að gera að vera fljótur að bóka draumahúsið. Erum að bóka 6 mánuði fram í tímann.
Nú er um að gera að setjast niður, velja helgi og bóka !
Síminn á skrifstofunni er 510 7500
Vestmannaeyjar – Dagsferðir
Fullt er í báðar ferðir
Í sumar eins og jafnan áður eru í boði hjá Eflingu skemmtilegar dagsferðir og hafa þær í mörg ár notið mikilla vinsælda. Í ár verður boðið uppá dagsferðir til Vestmannaeyja. Ferðadagar eru 25. ágúst og 1. september n.k. Fullt er í báðar ferðir og komin biðlisti.
Frestur er til og með 19. mars
Umsókn um orlofsbústaði sumarið 2012
Síðasti dagur til að skila inn umsóknum vegna orlofsbústaða sumarið 2012 er mánudagurinn 19. mars, tekið er við umsóknum til kl. 16:00. Hægt er að skila inn umsóknum á skrifstofu félagsins, Sætúni 1, faxa umsóknir á faxnúmerið 510-7501 eða senda þær rafrænt á efling@efling.is
Útilegukortið 2012
í beinni sölu til félagsmanna á skrifstofu Eflingar
Kort sem veitir aðgang að 44 tjaldsvæðum hringinn í kringum landið. Útilegukortið hefur verið starfrækt í þó nokkur ár og hefur sannarlega notið mikilla vinsælda og er enn í miklum vexti.
Nýir spennandi staðir í boði
- segir Sveinn Ingvason
Viðtökur við þeim nýjungum sem við höfum boðið upp á undanfarin ár hafa verið einstaklega góðar, segir Sveinn Ingvason, sviðsstjóri orlofsmála hjá félaginu. Ákvörðun var tekin í stjórn orlofssjóðs að halda okkur við nokkra af þeim stöðum og bæta við okkur nýjum. Við ætlum t.d. að halda okkur við Gufuskála á Snæfellsnesi, Súðavík, þar sem nú verður boðið uppá nýlegt einbýlishús inni í bænum, Hóla í Hjaltadal, Stöðvarfjörð, Stykkishólm og Vestmannaeyjar. Þær nýjungar sem koma inn í sumar er sumarhús á Arnarstapa á Snæfellsnesi, raðhús á Blönduósi, lítið notalegt einbýlishús í Hrísey og sumarhús á Flúðum. Við gerum ráð fyrir mikilli eftirspurn eftir húsum og orlofsíbúðum og miðum þar við reynsluna frá síðasta sumri og þessum vetri. Einnig bjóðum við áfram upp á Veiðikort og Útilegukort og síðan eru það hinar sívinsælu sumarferðir.
Veiðikortið 2012
Enn og aftur í sölu vegna mikilla vinsælda
Tekin hefur verið sú ákvörðun, vegna fjölda áskoranna, að bjóða aftur hið sívinsæla Veiðikort á sérkjörum fyrir félagsmenn.
Kortið verður til sölu frá og með 1. desember nk. á skrifstofu félagsins á aðeins kr. 3.000.- en fullt verð er kr. 6.000.-.
Kortið er tilvalin jólagjöf handa litlum og stórum veiðimönnum og konum.
Tímamót
Félagsmenn Eflingar í Brekkuskóg
Það voru skemmtileg tímamót á föstudaginn þegar við undirrituðum samning um kaup á tveimur glæsilegum húsum í Brekkuskógi, en húsin standa í fögru og kjarri vöxnu umhverfi skammt frá þjóðveginum, segir Sveinn Ingvason sviðsstjóri orlofsmála hjá Efingu. Við erum stolt af því að geta nú boðið félagsmönnum nýtt og afar fallegt svæði með nýjum og vönduðum húsum,segir Sveinn. Brekkuskógur er gamalgróið orlofssvæði í nánd við Aratungu sem verður í uppbyggingu á næstu árum og ég efast ekki um að þessu nýmæli verður vel tekið af félagsmönnum.
Sumarferð Eflingar 2011
Frábær ferð í alla staði
- segja Fanney og Þuríður
Dagana 14.-17. júlí var farin hin árlega sumarferð Eflingar stéttarfélags og að þessu sinni um Ísafjarðardjúp.Blíðskaparveður einkenndi þessa ferð frá fyrsta til síðasta dags. Ferðin var að þessu sinni með breyttu sniði frá fyrri ferðum þar sem ekið var að gististað og gist þar allar næturnar og síðan farnar dagsferðir undir dyggri leiðsögn „innfæddra“ leiðsögumanna sem gjörþekkja sitt svæði. Þær Fanney Friðriksdóttir og Þuríður Ingimundardóttir sem voru félagsmönnum til halds og trausts í ferðinni sögðu að ferðin hefði verið frábær í alla staði.
Efling í Veiðivötnum
Sannkölluð skemmtiferð
Ferð Eflingar í Veiðivötn laugardaginn 27. ágúst var sannkölluð skemmtiferð þar sem allt gekk eins og í sögu. Veðrið lék við ferðafélagana allan tímann, sól í heiði og mjög gott og milt veður í Veiðivötnum þegar þangað var komið upp úr hádegi. Vatnasvæði Veiðivatna er ævintýri út af fyrir sig, en ferðalöngum gafst kostur á góðri gönguferð um svæðið með leiðsögn fararstjóra.
