Formaður Eflingar segir alla umræðu um þjóðarsáttarsamninga út í hött. Vinna við kjarasamninga sé hins vegar í gangi

Engin þjóðarsátt í gangi

– segir formaður Eflingar

Það er mikill misskilningur að hér sé einhver umræða í gangi um þjóðarsátt eins og við heyrum í fjölmiðlum. Bak við þessa umræðu er nákvæmlega ekki neitt, segir Sigurður Bessason, formaður Eflingar. Síminn hækkað nýlega allar gjaldskrár um 4%. Tryggingafélögin eru sífellt að hækka gjaldskrár sínar. Nýjasta útspil Orkuveitu Reykjavíkur um nærri 10% hækkun á gjaldskrá heita vatnsins er sameiginlega á ábyrgð ríkisstjórnarinnar og Borgarstjórnar Reykjavíkur þar sem iðnaðaráðherra hefur þegar staðfest hækkunina, segir hann. Á sama tíma og þessi ákvörðun Orkuveitunnar er tekin er ekki hægt að halda fund í borgarráði Reykjavíkur vegna utanlandsferðar borgarfulltrúa. Nær hefði verið að þeir hefðu verið að sinna vinnu sinni og komið í veg fyrir hækkunina, segir hann. 

Síðan hafa Síminnog tryggingafélögin hækkað gjaldskrár sínar og verðlag er á mikilli ferð. Verðbólgan mælist nú um 14% og því miður er engin áhrifaöfl í þjóðfélaginu sem eru að verja stöðugleikann. Þess vegna er allt tal um þjóðarsátt út í hött, segir hann.

Forsvarsmenn ríkisstjórnarinnar tala síðan um mikilvægi þess að halda niðri verðlagi. Það er ekki hægt að taka mark á þeim þar sem þetta eru bara innantóm orð.  Nýlega hækkaði Síminn gjaldskrá sína um 4% og tryggingarfélögin hafa einnig hækkað gjöld sín að undanförnu. Allir þessir stóru aðilar eru að hleypa öllum kostnaðarhækkunum beint út í verðlagið. Þannig er ljóst að stórfyrirtæki og opinberir aðilar eru ekkert að leggja af mörkum til að halda hér niðri verðlagi, segir Sigurður Bessason, formaður Eflingar. Í reynd blasir það við að ef þetta heldur svona áfram, þá erum við að festast í 10% – 20% verðbólgu fram í tímann með þeirri gríðarlegu kjaraskerðingu sem endurspeglast í lækkandi kaupmætti og mikilli hækkun lánanna okkar vegna verðtryggingarinnar.

Processing...
Thank you! Your subscription has been confirmed. You'll hear from us soon.
Barátta fyrir betra lífi.
Vertu áskrifandi að fréttaskeyti Eflingar. Fáðu ferskar fréttir af baráttunni og réttindum þínum í tölvupósti.
ErrorHere