Starfsmat

Launaumhverfi Reykjavíkurborgar og annarra sveitarfélaga grundvallast af starfsmatskerfi sem hefur þann megintilgang að leggja kerfisbundið mat á störf og þær kröfur sem þau útheimta. Starfsmat metur ekki hæfni eða frammistöðu einstakra starfsmanna.

Starfsmatið á að meta störf óháð því hver starfsmaðurinn er, hvort í hlut á karl eða kona, hvaða stéttarfélagi viðkomandi er í, af hvaða þjóðerni og loks á starfsmatið að vera óháð búsetu eða vinnustað.