Orlofsvefur

 

Laus hús

Almennar upplýsingar

Bókað er 4 mánuði fram í tímann en fyrsta virka dag í mánuði bætist við nýr mánuður og er opnað fyrir bókanir á bókunarvefnum kl. 8.15. Félagsmenn geta hringt á skrifstofuna í síma 510 7500 eða farið inn á bókunarvefinn til að bóka.

Félagsmenn þurfa að eiga 24 mánaða samfellda félagasögu eftir að fjárræðisaldri (18 ára) er náð og hafa áunnið sér minnst 48 punkta til viðmiðunar. Gildir það ákvæði almennt um umsækjendur. Hver félagsmaður með réttindi getur bókað eina fyrirframbókun fyrir áramót og eina eftir áramót. Síðan er frjálst að hringja með stuttum fyrirvara og kanna lausa daga og miðast þá við að hringja 3 dögum fyrir brottför.  Hægt er að skrá sig inn á bókunarvefinn með rafrænum skilríkjum eða nota lykilorð til að innskrá sig. Til að sækja um lykilorð þarf að skrá kennitölu og smella á sækja um lykilorð. 

Efling-stéttarfélag býður félagsmönnum upp á mikla möguleika á fjölbreyttri orlofsdvöl í húsum og íbúðum Eflingar. Orlofssjóður Eflingar-stéttarfélags á nú og rekur fimmtíu og tvö sumarhús og eru húsin staðsett víðs vegar um landið, góð og vel búin heilsárshús og til notkunar fyrir félagsmenn allan ársins hring. Mikil ásókn er í húsin, sérstaklega á sumrin og eru þau þá alla jafna fullnýtt og mikil umframeftirspurn. Aukin ásókn hefur verið í að nýta húsin að vetri til síðustu árin og eru þau nú jöfnum höndum í notkun um helgar og í miðri viku á vetrartímanum.

 

Processing...
Thank you! Your subscription has been confirmed. You'll hear from us soon.
Barátta fyrir betra lífi.
Vertu áskrifandi að fréttaskeyti Eflingar. Fáðu ferskar fréttir af baráttunni og réttindum þínum í tölvupósti.
ErrorHere