Select Page

Reykjarhóll við Varmahlíð í Skagafirði

Leigutími: Sumarleiga

Fjöldi húsa: 1
Fermetrar: 103
Herbergi: 5
Sængur: 12
Rúm: 9
Auka dýnur:
sjónvarp

sjónvarp

gas grill

Gasgrill

microwave

Örbylgjuöfn

Washing machine

Þvottavél

Hot tub

Heitur pottur

baby bed

Barnarúm

Baby chair

Barnastóll

Vikuleiga: 33000
Helgarleiga:
Komutími:
Brottför:
Gæludýr bönnuð

Spennandi staður hefur bæst við orlofshúsin okkar í sumar.  Orlofshús í Reykjarhóli, rétt fyrir ofan Varmahlíð í Skagafirði. Umhverfið er fjölskylduvænt og margt er til afþreyingar, falleg útivistarsvæði í næsta nágrenni, m.a. skógrækt á Reykjarhólum og fjölbreyttar gönguleiðir.

Húsið er 103 fm. á einni hæð rétt fyrir ofan tjaldsvæðið í Varmahlíð. Tveir inngangar eru í húsið, annar með aðgengi fyrir hjólastóla. Fimm herbergi eru í húsinu, þrjú með tvíbreiðum rúmum, eitt með 120 cm. rúmi og eitt með tveimur 90 cm. rúmum.  Tvö baðherbergi með sturtu, annað þeirra mjög rúmgott með aðgengi fyrir hjólastól og einnig með þvottavél og þurrkara. Eldhús og borðstofa með stóru matarborði og borðbúnaði fyrir 12 manns. Gistirými er fyrir a.m.k. 9 manns, sængur og koddar eru fyrir 12 manns. Húsið er vel búið með öllum helsta búnaði: sjónvarp, útvarp, ísskápur, bakarofn, örbylgjuofn og þvottavél. Á útisvæðinu er gasgrill, garðhúsgögn og heitur pottur. (Ekki nettenging í húsinu). Öll ræstiefni og áhöld til þrifa eru til staðar.

Húsið er rétt fyrir ofan Varmahlíðarhverfið, í skipulögðu rótgrónu sumarhúsahverfi og í göngufæri við verslun og aðra þjónustu. Einnig er þar fallegt útivistarsvæði rétt hjá, sundlaug, tjaldsvæði og leiksvæði.

Til að finna nákvæma staðsetningu hússins á ja.is skal slá inn „Reykjarhólsvegur 20 a“.  Á hurðinni stendur Óskahúsið.

Upplýsingar

  • Lyklabox – lyklanúmer kemur fram á samningi.
  • ATH. GÆLUDÝR ERU BÖNNUÐ.

Leiga

  • Vikuverð 33.000 kr.

Annað

Í Varmahlíð er barnvæn sundlaug með rennibrautum, heitum potti og gufubaði. Sparkvöllur, körfuboltavöllur og ærslabelgur er staðsettur á tjaldstæðinu. Fjölbreyttar gönguleiðir eru víða. Á góðviðrisdegi er gaman að ganga um í skógræktinni á Reykjarhólnum. Reykjafoss er staðsettur um 7 km frá Varmahlíð og fyrir þá sem kjósa lengri gönguferðir er ákjósanlegt að ganga á Mælifellshnjúkinn, Glóðafeyki, Molduxa og Tindastól.

Gott framboð þjónustu er fyrir ferðamenn í sveitunum sunnan Varmahlíðar. Þar er margir valkostir í afþreyingu, s.s. hestaferðir og hestasýningar, flúðasiglingar, gönguferðir, söfn og kirkjur. Þar eru merkir sögustaðir og alls staðar stutt í fallega náttúru.

Processing...
Thank you! Your subscription has been confirmed. You'll hear from us soon.
Barátta fyrir betra lífi.
Vertu áskrifandi að fréttaskeyti Eflingar. Fáðu ferskar fréttir af baráttunni og réttindum þínum í tölvupósti.
ErrorHere