10 réttindi sem þú hefur á vinnustaðnum

Þessi atriði gilda um starfsfólk fyrirtækja, til dæmis í byggingarvinnu, veitingahúsum, hótelum, framleiðslu eða akstri. Starfsmenn ríkis, sveitarfélaga og heilbrigðisstofnana vinna samkvæmt öðrum kjarasamningum. Sjá kjarasamninga Eflingar hér.

  1. Ef þú ert ekki með ráðningarsamning um vaktavinnu og ef þú hefur ekki samþykkt vaktavinnu áttu að fá greidda yfirvinnu, ekki álag, utan dagvinnutíma.
  2. Þú átt rétt á að vinna alla vaktina þína. Ef þér er sagt að fara heim snemma áttu samt að fá alla vaktina borgaða.
  3. Starfshlutfall þitt ætti að vera ein ákveðin tala, ekki bil á borð við 80-100%.
  4. Það er þitt val hvort þú vinnir yfirvinnu, aldrei skylda.
  5. Fyrir átta tíma vakt færðu þá 35 mínútna launað hlé. Almennt áttu að fá 5 mínútur af launuðu hléi fyrir hvern unninn klukkutíma.
  6. Á milli vakta eiga að líða minnst ellefu klukkutímar. Ef þessi hvíld fæst ekki, er það bætt upp með launuðu leyfi.
  7. Minnst 10,17% eiga að vera greidd ofan á launin þín sem orlof. Það á að leggja orlofið inn á reikning á þínu nafni, þú átt peninginn.
  8. Þú átt að fá orlofsuppbót í júní og desemberuppbót í desember ef þú vinnur þá, eða ef þú hefur unnið meira en 12 vikur undanfarið ár.
  9. Allt starfsfólk hefur rétt til launaðra veikindadaga. Hjá sama atvinnurekanda ávinnur þú þér 2 daga á mánuði fyrsta árið, heilan mánuð eftir eitt ár. Rétturinn lengist eftir því sem þú vinnur lengur. Það er á ábyrgð yfirmanns að finna afleysingu fyrir veikan starfsmann.
  10. Uppsögn á að vera skrifleg. Ef atvinnurekandinn vill að þú víkir strax frá störfum áttu rétt á að fá uppsagnarfrestinn borgaðan.
Eftir að hafa unnið er uppsagnarfresturinn þinn:
minna en 2 vikur enginn
2 vikur 12 dagar
3 mánuði 1 mánuður eftir næstu mánaðamót
2 ár 2 mánuðir eftir næstu mánaðamót
3 ár 3 mánuðir eftir næstu mánaðamót

 

Ef þú nýtur ekki þessara réttinda á þínum vinnustað, eða þarft aðstoð við lestur launaseðla, getur þú sótt aðstoð á skrifstofu Eflingar.

Hafðu meðferðis:

  • Ráðningarsamning ef þú ert með hann
  • Launaseðla frá síðustu mánuðum
  • Vaktaplanið þitt
  • Þína eigin tímaskýrslu yfir hvað þú vannst mikið hvern vinnudag
Processing...
Thank you! Your subscription has been confirmed. You'll hear from us soon.
Barátta fyrir betra lífi.
Vertu áskrifandi að fréttaskeyti Eflingar. Fáðu ferskar fréttir af baráttunni og réttindum þínum í tölvupósti.
ErrorHere