Félagssvið

Efling hefur stofnað nýja deild: Félagssvið -til að hjálpa þér að bæta umhverfi og kjör á vinnustaðnum!

Vilt þú taka skref til að fá hærri laun, styttri vinnudag, og meira lýðræði á vinnustaðnum þínum eða í starfsgreininni þinni? Þá ertu á réttum stað. Við munum hjálpa þér að ná þessum markmiðum.

Starfsfólk Eflingar – stéttarfélags er boðið og búið að tala við þig um aðferðir til að bæta kjör og aðstæður í vinnunni. Við getum líka hjálpað ef þú og vinnufélagar þínir ákveða að kjósa trúnaðarmann eða útbúa vinnustaðasamning.

Sérhver vinnustaður með fimm eða fleiri starfsmenn á að hafa trúnaðarmann. Trúnaðarmaður er almennur starfsmaður, kosinn af einföldum meirihluta starfsfólksins, og hefur uppsagnarvernd. Hlutverk trúnaðarmanns er að vera augu og eyru stéttarfélagsins á vinustaðnum, gæta þess að kjarasamningar séu virtir og að réttindi starfsfólksins séu ekki brotin.

Besta leiðin til að hefja skipulagningu er í gegnum síma eða tölvupóst. Áður en þú hefur samband er hjálplegt, þó ekki nauðsynlegt, að vita nokkra hluti um vinnustaðinn þinn:

  1. Fékkst þú og annað starfsfólk ráðningarsamning?
  2. Er trúnaðarmaður á vinnustaðnum?
  3. Hversu margir vinna þar?
  4. Hversu mörg starfssvið eru hjá fyrirtækinu? Hvað eru margir starfsmenn í hverri deild?

Til að byrja með er ráðlegt að tala við vinnufélaga þína um kjör og aðstæður, og gæta þess að halda þessum samræðum og tali um stéttarfélög frá yfirmönnum.

Haltu vinnudagbók og taktu niður nöfn og vandamál fólksins sem þú vinnur með. Þar getur þú líka skráð glósur af fundum, breytingar á vaktaplani, fyrirmæli frá yfirmönnum og svo framvegis. Þegar þú punktar niður atburði er gott að skrá eftir reglunni: hver, hvenær, hvar og hvers vegna. Það borgar sig líka að geyma minnisblöð og launaseðla frá fyrirtækinu.

Til að hafa samband við skipuleggjanda frá Eflingu, sendu tölvupóst á felagssvid@efling.is eða hringdu í síma 510-7500

Efling – stéttarfélag býður upp á fjölda námskeiða fyrir verkamenn sem vilja læra um skipulagningu iðngreina, og um að vera trúnaðarmaður á vinnustað.