Laun og réttindi
Hver eru þín réttindi?
Sláðu inn upplýsingar um vinnustað og sjáðu hvaða réttindi og skyldur tilheyra starfinu.
Fyrirtækið finnst ekki
Aðstoð vegna launa og réttinda
Hægt er að leita til vinnuréttindasviðs til að fá upplýsingar og aðstoð vegna launamála og annarra réttinda er tengjast starfi þínu.
Ef félagsmenn Eflingar þurfa ráðgjöf eða upplýsingar eru þeir hvattir til að senda tölvupóst á
vinnurettindi@efling.is. Þá er einnig hægt að bóka viðtalstíma með því að hringja í síma
510-7500.
Á þitt mál heima annars staðar?
Vinnumálastofnun
Vinnumálastofnun veitir upplýsingar og aðstoð vegna atvinnuleysisbóta og atvinnuleitar, fæðingarorlofsgreiðslna og greiðslna úr ábyrgðasjóði launa.
Útlendingastofnun
Útlendingastofnun veitir upplýsingar og aðstoð vegna atvinnu- og dvalarleyfa.
Hvað er mikilvægt að passa upp á?
Ráðningarsamningur
Samkvæmt kjarasamningum átt þú rétt á að fá afhentan skriflegan ráðningarsamning. Skriflegur ráðningarsamningur er mikilvægur en þar eiga að koma fram eftirfarandi upplýsingar: Fullt nafn starfsmanns og atvinnurekanda, vinnustaður, starfshlutfall, starfsheiti og starfslýsing, launakjör, lífeyrissjóður, kjarasamningur og stéttarfélagsaðild.
Tímaskráningar
Atvinnurekendum ber skylda til að halda utan um vinnutíma starfsmanna með tímaskráningarkerfi og skulu starfsmenn eiga kost á að nálgast tímaskráningar sínar 12 mánuði aftur í tímann.
Það er hins vegar góð regla að halda sjálfur vel utan um alla unna tíma. Ef ágreiningur kemur upp milli þín og atvinnurekanda varðandi unna tíma skaltu leita aðstoðar Eflingar og þá getur það skipt sköpum að hafa áreiðanlegar og vel skráðar upplýsingar um vinnutímann þinn.
Launaseðlar
Launaseðlar eiga að sýna öll launakjör og frádrætti, þar á meðal skatta, lífeyrissjóðsiðgjöld, félagsgjöld og annað sem dregið er frá launum.
Það er mjög mikilvægt að skoða launaseðilinn í hvert skipti sem þú færð greitt og bera upplýsingarnar saman við launin sem berast inn á bankareikninginn þinn. Launaseðillinn er í raun kvittunin þín fyrir greiðslu opinberra gjalda.
Samskipti við atvinnurekanda
Ef ágreiningur eða vandamál koma upp á vinnustað þá hvetjum við þig til að leita til Eflingar. Mikilvægt er að samskipti við atvinnurekanda séu skrifleg, t.d. í gegnum tölvupóst eða aðra samskiptamiðla.
Hafa samband
Þú getur alltaf haft samband við Eflingu til að fá ráðgjöf og upplýsingar í tengslum við vinnuna þína.
Hægt er að senda tölvupóst til vinnuréttindasviðs hér að neðan eða hringja í síma
510 7500.
