.

Í gær var undirritað samkomulag á milli Alþýðusambands Íslands f.h. aðildarsamtaka sinna og Samtaka atvinnulífsins vegna mats á launalið kjarasamninga frá vorinu 2004, eins og kveðið er á um í samningunum.

Samkomulagið byggir á samráði ASÍ, SA og ríkisstjórnarinnar síðustu daga og vikur. Því fylgir yfirlýsing ríkisstjórnarinnar um ráðstafanir til þess að treysta stöðuna á vinnumarkaði.
Það er mat Alþýðusambandsins, að auk þess að ná fram leiðréttingum vegna skerðinga sem hafa komið til vegna meiri verðbólgu en samningarnir gerðu ráð fyrir, þá feli yfirlýsing ríkisstjórnarinnar í sér mikilvæg atriði sem treysta stöðu launafólks á vinnumarkaði. Þar er að finna ýmis atriði sem hafa lengi verið baráttumál samtaka launafólks og fela í sér kjara- og réttarbætur sem hefðu ekki náð fram að ganga nema vegna þéttrar samstöðu aðildarfélaga Alþýðusambandsins.

26 þúsund króna eingreiðsla

Laun félaga í aðildarfélögum Alþýðusambandsins sem eiga aðild að kjarasamningunum við SA hækka um 0,65% í janúar 2007 til viðbótar við þá hækkun sem kveður á um í einstökum samningum. Jafnframt fá allir sem hafa verið í fullu starfi hjá viðkomandi fyrirtæki 26.000 króna eingreiðslu í desember næstkomandi. Þessu til viðbótar hækkar lágmarkstekjutrygging fyrir fulla dagvinnu í 108.000 kr. um næstu áramót og í 110.000 kr. 1. janúar 2007.

Yfirlýsing ríkisstjórnarinnar felur í sér fjögur meginatriði.

Í fyrsta lagi hefur ríkisstjórnin fallist á að stíga mikilvæg skref í að axla ábyrgð vegna vaxandi örorkubyrði í lífeyrissjóðum á samningssviði ASÍ og SA. Þar með er geta sjóðanna til að standa við lífeyrisskuldbindingar aukin og mikilvæg skref stigin til að jafna lífeyrisréttindi í landinu.

Í öðru lagi hefur ríkisstjórnin fallist á kröfu ASÍ um hækkun atvinnleysisbóta og tekjutengingu þeirra. Grunnbætur hækka í 96 þúsund krónur á næsta ári (eru nú 91.426 kr). Atvinnuleysisbætur verða 70% af heildartekjum, með þaki við 180.000 krónur á mánuði. Bæturnar verða tekjutengdar í allt að þrjá mánuði eftir 10 daga á grunnbótum.

Í þriðja lagi verða sett lög um starfsmannaleigur. Í frumvarpi sem var lagt fram í ríkisstjórn í dag, er fallist á öll meginsjónarmið ASÍ, að undanskilinni kröfu um ábyrgð þeirra fyrirtækja sem nýta sér þjónustu starfsmannaleiga.

Í fjórða lagi hefur ríkisstjórnin fallist á að setja 100 milljónir króna til viðbótar í að efla fullorðinsfræðslu og styrkja möguleika fólks á vinnumarkaði til að auka við menntun sína og fá hana viðurkennda.

Samkomulag ASÍ og SA um forsendur
Atvinnuleysisbætur
Yfirlýsing ríkisstjórnarinnar

Processing...
Thank you! Your subscription has been confirmed. You'll hear from us soon.
Barátta fyrir betra lífi.
Vertu áskrifandi að fréttaskeyti Eflingar. Fáðu ferskar fréttir af baráttunni og réttindum þínum í tölvupósti.
ErrorHere