Sjálfkjörið í stjórn Eflingar

Sjálfkjörið var í stjórn Eflingar fyrir kjörtímabil næstu tveggja ára í félaginu. Listi uppstillingarnefndar og trúnaðarráðs til stjórnar félagsins lá frammi í síðustu viku en ekkert framboð barst þannig að formaður, Sigurður Bessason, gjaldkeri og meðstjórnendur voru sjálfkjörnir fyrir tímabilið 2010-2012.
Sú breyting varð á stjórninni að Jónína Sigurðardóttir, Droplaugarstöðum og Kristín Jónatansdóttir hjá Hótel Loftleiðum létu af stjórnarstörfum en Þóra Jónsdóttir hjá Skógarbæ kemur ný inn í stjórnina. Gjaldkeri verður áfram Ragnar Ólason og aðrir meðstjórnendur áfram verða Hrönn Bjarnþórsdóttir, Ingvar Vigur Halldórsson, Jóna Sigríður Gestsdóttir, Sigurey Agatha Ólafsdóttir, Stanislaw Bukowski og Þórður Ólafsson.
Sömu skoðunarmenn reikninga verða og áður nema varaskoðunarmaður er nýr Róbert Karl Ingimundarson sem tekur við af Steini G. Lundholm.