Nýr kjarasamningur Eflingar við Reykavíkurborg

Laust upp úr miðnætti í gær, 26. maí var skrifað undir nýjan kjarasamning Eflingar við Reykjavíkurborg.  

Nýr kjarasamningur inniber í flestum meginatriðum það sama og samið var um á almenna markaðnum.

Ný launatafla mun taka að lágmarki eftirtöldum krónutöluhækkunum:

1. júní 2011         kr. 12.000
1. febrúar 2012    kr. 11.000
1. febrúar 2013    kr. 11.000

Auk þess mun launataflan taka að lágmarki eftirtöldum prósentuhækkunum:

1. júní 2011         4,25%
1. febrúar 2012    3,50%
1. febrúar 2013    3,25%

Launataxtar á samningstímabilinu hækka á bilinu 11,4% til 20,7% en samningurinn gildir til 31. mars 2014. 50.000 króna eingreiðsla kemur til útborgunar 1. júlí nk. og önnur eingreiðsla að upphæð 25.000 krónur 1. febrúar 2012.
 
Lágmarkstekjutrygging í dagvinnu hækkar einnig:
1. júní 2011         kr. 182.000
1. febrúar 2012    kr. 193.000
1. febrúar 2013    kr. 204.000

Kjarasamninginn má lesa í heild sinni hér.

Samningurinn fer nú í atkvæðagreiðslu og verða kjörgögn send í póst eftir helgi, en niðurstaða mun liggja fyrir 15. júní nk.