Nýir spennandi staðir í boði

15. 03, 2012

orlofsbladidauglysing

Umsóknarfrestur til og með 19. mars

Nýir spennandi orlofsstaðir í boði

– segir Sveinn Ingvason

Viðtökur við þeim nýjungum sem við höfum boðið upp á undanfarin ár hafa verið einstaklega góðar, segir Sveinn Ingvason, sviðsstjóri orlofsmála hjá félaginu. Ákvörðun var tekin í stjórn orlofssjóðs að halda okkur við nokkra af þeim stöðum og bæta við okkur nýjum. Við ætlum t.d. að halda okkur við Gufuskála á Snæfellsnesi, Súðavík, þar sem nú verður boðið uppá nýlegt einbýlishús inni í bænum, Hóla í Hjaltadal, Stöðvarfjörð, Stykkishólm og Vestmannaeyjar. Þær nýjungar sem koma inn í sumar er sumarhús á Arnarstapa á Snæfellsnesi, raðhús á Blönduósi, lítið notalegt einbýlishús í Hrísey og sumarhús á Flúðum.

Við gerum ráð fyrir mikilli eftirspurn eftir húsum og orlofsíbúðum og miðum þar við reynsluna frá síðasta sumri og þessum vetri.

Einnig bjóðum við áfram upp á Veiðikort og Útilegukort og síðan eru það hinar sívinsælu sumarferðir.

Umsóknarfrestur til að sækja um orlofsbústaði sumarið 2012 er til og með mánudeginum 19. mars