danir

Hvað má læra af Dönum?

Þær Sunna Apríl Ragnarsdóttir og Theodóra Heba Guðmundsdóttir eru báðar mjög ánægðar með að hafa fengið tækifæri til að kynnast því sem í boði er fyrir atvinnuleitendur í Danmörku en í síðasta mánuði fóru þær ásamt fjórum starfsmönnum Eflingar-stéttarfélags í mannaskiptaverkefni Leonardo á vegum Evrópusambandsins. Verkefnið var í gegnum Leonardo á Íslandi í samstarfi Starfsafls, Eflingar stéttarfélags og Vinnu-málastofnunar. Verkefnið á að veita fólki tækifæri til að afla sér reynslu og þekkingar innan síns fagsviðs í öðrum Evrópulöndum. Þær Sunna og Theodóra  tóku þátt í verkefninu fyrir hönd Vinnumálastofnunarinnar.

Hvernig fannst ykkur að taka þátt í þessu verkefni?
Mér fannst æðislega spennandi að vera boðið út til Danmerkur til að fá að kynnast starfinu sem þeir bjóða atvinnuleitendum segir Sunna. Maður hefur oft heyrt út undan sér að lífið sé miklu betra þar þannig að ég varð mjög forvitin að vita hvort það væri sannleikur í því. Heba tekur undir það og bætir við að hún sé þakklát fyrir að hafa fengið tækifæri á að fara í þessa ferð, lærði mikið og kynntist mörgu skemmtilegu fólki.

Var eitthvað sem kom ykkur á óvart varð-andi vinnumarkaðinn á Íslandi og í Danmörku?
Mér fannst merkilegt að heyra að maður færi ekki sjálfkrafa í verkalýðsfélag þarna úti, heldur þarftu að sækja um það og það er frekar dýrt að vera í verkalýðsfélagi, segir Sunna. Til dæmis eru hlutföllin þar að 70% karla eru félagsmenn en 30% kvenna. Það er bara alls ekki gott. Heba tók undir þetta og bætti við að það sem kom henni mest á óvart var að félagslega kerfið á vegum sveitarfélaga veitir ekki atvinnulausum fjárhagslega aðstoð eigi þeir 10.000 DKK eða meira, þá þarf að selja eignir fyrst áður en að aðstoð fæst. Sunna bætir við að þegar þú ert búin með bótaréttinn sem er tvö ár þarftu að gjöra svo vel að selja bílinn og íbúðina áður en þú færð einhverja fjárhagsaðstoð. Þú færð enga hjálp fyrr en allur peningurinn er búin og þú búin að selja allt. Mér finnst þetta frekar hart þar sem margir eru búnir að vinna lengi fyrir þessu og geta svo ekki að því gert að missa vinnuna.

Finnst ykkur atvinnuleysiskerfið í Dan-mörku ólíkt því íslenska?
Það kom mér óvart að miðað við það sem maður hefur heyrt um atvinnuleysiskerfið í Danmörku að þá er það í raun mun skilvirkara en ég hef talið, segir Heba. Miklar kröfur eru gerðar af A-kassanum og stéttarfélaginu og þjónustan við atvinnuleitendur virðist vera öll miklu persónulegri og einstaklingsmiðaðri. Sunna bætir við að ef þú ert atvinnulaus þá byrjarðu strax fyrsta daginn að skrá þig og gerir það svo vikulega. Þeir halda vel utan um þá sem hafa verið lengi atvinnulausir.

Best að fá vinnu í gegnum tengslanet
Það var mat Dananna að besta leiðin til að fá vinnu sé í gegnum tengslanet og þau sjá að besta leiðin sé að láta fólk hittast og hjálpa hvort öðru að ná í vinnu. Þau er með svokallaða vinnuklúbba þar sem fólk kemur og hjálpar hvert öðru. Kerfið í Danmörku er gott en það hefur sína galla alveg eins og annarsstaðar. En þetta var yndislega gaman og mun ég búa að þessari reynslu allt mitt líf, sagði Sunna að lokum. Heba tók undir það og sagðist jafnframt vona að atvinnuleysisbótakerfið hér heima taki upp meira samstarf við stéttarfélögin og einstaklingsmiði þjónustuna sína meira en jafnframt geri meiri kröfur til atvinnulausra.

Processing...
Thank you! Your subscription has been confirmed. You'll hear from us soon.
Barátta fyrir betra lífi.
Vertu áskrifandi að fréttaskeyti Eflingar. Fáðu ferskar fréttir af baráttunni og réttindum þínum í tölvupósti.
ErrorHere