Efling fundar með atvinnuleitendum

Efling stéttarfélag hefur síðast liðin ár haldið kynningarfundi fyrir sína félagsmenn sem eru í atvinnuleit. Kynnt eru réttindi félagsmanna hjá Eflingu stéttarfélagi ásamt ýmsu öðru er þykir mikilvægt fyrir atvinnuleitendur. Kemur það mörgum á óvart til að mynda að lyfja og lækniskostnaður að 6 mánuðum liðnum í atvinnuleit er niðurgreiddur eins og hjá öldruðum og öryrkjum.

Fámennur en góður hópur mætti á fund 31. október og sköpuðust góðar umræður um málefni atvinnuleitenda og annað er tengist vinnumarkaðnum.