Samkomulag um breytingar og framlengingu á samningum við ríkið

11. 04, 2014

rikid

Flóafélögin Efling, Hlíf og VSFK samþykktu

Samkomulag um breytingar og framlengingu á samningum við ríkið

Atkvæði voru í dag talin í atkvæðagreiðslu Flóafélaganna, Eflingar, Hlífar og VSFK um samkomulag um breytingar og framlengingu á kjarasamningi við fjármála og efnahagsráðherra f.h. ríkissjóðs sem  undirritað var þann 1. apríl sl.  Samkomulagið var  samþykkt með yfirgnæfandi meirihluta greiddra atkvæða eða um 88,5% atkvæða.  Þetta þýðir að kjarasamningur er kominn á milli aðila og er afturvirkur frá 1. mars sl. og gildir til 30. apríl 2015.

Niðurstöður atkvæðagreiðslunnar voru eftirfarandi:

Já  sögðu  111   eða   88,5% þeirra sem atkvæði greiddu
Nei  sögðu    14  eða     11,3%

Auðir seðlar og ógildir voru 2

Samkvæmt þessum tölum er samkomulagið samþykkt. Á kjörskrá voru alls 545  félagsmenn. Atkvæði greiddu 127 eða 23,3%.

Nánari upplýsingar eru á heimasíðum félaganna um innihald samkomulagsins.