Atkvæði voru í dag talin í póstatkvæðagreiðslu Eflingar – stéttarfélags um nýjan kjarasamning við Reykjavíkurborg sem undirritaður var þann 13. nóvember sl. Kjarasamningurinn var samþykktur með yfirgnæfandi meirihluta greiddra atkvæða eða rúmlega 82,5% atkvæða. Samningurinn gildir afturvirkt frá 1. maí 2015 til 31. mars 2019.

Félagsmenn Eflingar sem vinna á einkareknum leikskólum taka mið af kjarasamningi Reykjavíkurborgar og fá því einnig afturvirka launaleiðréttingu frá 1. maí síðastliðnum.

Niðurstöður atkvæðagreiðslunnar voru eftirfarandi:

Já sögðu 378 eða 82,5% þeirra sem atkvæði greiddu

Nei sögðu 78 eða 17,0%

Auðir seðlar og ógildir voru 2 eða 0,5%

Samkvæmt þessum úrslitum er samkomulagið samþykkt. Á kjörskrá voru alls 1.922  félagsmenn. Atkvæði greiddu 458 eða 23,8%.

Nánari upplýsingar um samninginn má sjá hér.

Processing...
Thank you! Your subscription has been confirmed. You'll hear from us soon.
Barátta fyrir betra lífi.
Vertu áskrifandi að fréttaskeyti Eflingar. Fáðu ferskar fréttir af baráttunni og réttindum þínum í tölvupósti.
ErrorHere