Kristinn Örn vinnur sem vaktstjóri í vinnslu hjá Lýsi hf og varð trúnaðarmaður á vinnustaðnum árið 2014. Þetta er frábær vinnustaður og yfirmenn í góðu sambandi við Eflingu, segir hann. Kristinn reynir að taka þátt í starfi Eflingar og mæta á fundi og einnig er hann í trúnaðarráði. Ég var svo nýlega beðinn um að sitja þing ASÍ ung sem ég er mjög spenntur fyrir, segir hann.Á fundi unga fólksinsKristinn er einn af þeim sem sótti fund unga fólksins sem SGS boðaði til í sumar þar sem ungu fólki innan verkalýðshreyfingarinnar var boðið að taka þátt. Ég var spurður hvort ég vildi ekki fara á fundinn og fannst það sjálfsagt. Þetta eru málefni sem vekja hjá mér áhuga og mér fannst gott að hitta ungmenni úr öðrum stéttarfélögum og sjá að ég er ekki eini maðurinn sem hefur áhuga á þessu. Það sýnir líka styrk okkar að koma saman, við erum ekki að standa í þessu ein.Fundurinn tókst mjög vel og fyrirlesararnir voru alveg æðislegir. Best var þó að hitta annað ungt fólk úr fleiri félögum sem sýna þessu áhuga. Að þú sért ekki eina manneskjan undir 35 ára sem lætur sig málefni verkalýðshreyfingarinnar varða. Mér fannst gaman að geta hitt formenn stéttarfélaganna. Það var líka áhugavert að heyra hvað þeir höfðu að segja og svo komu margar spurningar frá 
okkur. Þó hugmyndafræðin sé sú sama eru áherslurnar aðrar.Nauðsynlegt að hafa fulltrúa unga fólksinsÞað er nauðsynlegt að rödd Eflingar heyrist á öllum sviðum innan verkalýðshreyfingarinnar og því mikilvægt að hafa fulltrúa unga fólksins til að við gleymumst ekki. Áherslur okkar breytast eftir því hvar við erum stödd í lífinu, með börn eða ekki, í leiguhúsnæði eða eigin o.s.frv. en við sækjumst eftir því sama og á endanum verðum við að vinna saman.Þarf að kveikja áhugannÞað þarf að skapa vettvang fyrir ungt fólk. Þegar talað er um verkalýðsfélög er oft talað um þau eins og allt sem viðkemur þeim sé svo leiðinlegt. En þetta snýst um að vekja áhuga, segir Kristinn. Þetta eru réttindi okkar og það þarf að berjast fyrir þeim. Áhuginn hjá mér kviknaði t.d. fyrst eftir að ég komst í kynni við starf Eflingar. Það var stungið upp á mér sem trúnaðarmanni og eftir því sem ég kynntist starfi Eflingar varð áhuginn meiri. Það þarf að kveikja þennan áhuga hjá ungu fólki.Hann segir líka að það þurfi aðrar áherslur til að ná ungu fólki inn í starfið. Á fundi unga fólksins vorum við m.a. sammála um að við þurfum að koma okkur á samfélagsmiðla, hætta gefa út bæklinga og vera virkari í smáskilaboðum til félagsmanna.Alltaf verið að vinna í þvíÞað jákvæða við Eflingu er að það er alltaf verið að vinna í því að koma ungu fólki inn í starfið og áhugi fyrir því að skapa vettvang fyrir það. Það eru alltaf einhverjir sem koma nýir inn eins og ég sjálfur. Við verðum að vera fljót að grípa unga fólkið og vera vakandi fyrir nýjum leiðum til að vekja áhuga.Ég sá það á fundi unga fólksins að þó við værum komin saman, ungt fólk, voru áherslur okkar innbyrðis einnig mismunandi eftir því hvar við vorum í lífinu, þó við ættum meira sameiginlegt en þeir eldri. Yngsta fólkið kom með hugmyndir sem ég hugsaði um fyrir nokkrum árum en gleymdust á leiðinni eða breyttust. Í kringum mig eru t.d. aðallega menn sem eru farnir að hugsa um ellilífeyrinn þegar þeir hætta að vinna. Þetta sýnir bara breiddina og að við verðum að hafa fulltrúa sem flestra í félaginu því við erum eins mismunandi og við erum mörg.Ég persónulega er ekki sáttur við allar ákvarðanir en það sem skiptir máli er að allir félagsmenn Eflingar eru spurðir og það er meirihluti á bakvið allar stórar ákvarðanir eins og samþykkt kjarasamninga. Það er lýðræði, sagði Kristinn að lokum.
