Bleikur var aðalliturinn á skrifstofu Eflingar á bleika deginum 14. október þar sem starfsmenn fjölmenntu í þessum skemmtilega lit til að vekja athygli á baráttunni gegn krabbameini hjá konum. Efling- stéttarfélag hefur síðast liðin ár lagt sitt af mörkum og styrkt Krabbameinsfélagið með kaupum á Bleiku slaufunni. Félagsmönnum Eflingar stendur einnig til boða styrkur vegna grunnskoðunar hjá Krabbameinsfélaginu og hvetur félagið alla til að nýta sér það.
