Forysta ASÍ var endurkjörin einróma en engin mótframboð bárust þegar forseta- og varaforsetakjör fór fram síðasta dag þings Alþýðusambandsins. Gylfi Arnbjörnsson var endurkjörinn forseti Alþýðusambandsins 
í fjórða skipti en hann hefur gegnt embættinu frá október 2008. Sigurður Bessason, formaður Eflingar, er áfram varaformaður við hlið Ólafíu B. Rafnsdóttur, formanns VR en þau hafa verið í því embætti frá 2014. Ekki urðu breytingar á miðstjórn Alþýðusambandsins sem kjörin var til næstu tveggja ára á þinginu.
