Upplýsingar um verkfall hjá hótelstarfsfólki 28. og 29 mars

Næstu verkföll verða fimmtudaginn 28. mars og föstudaginn 29. mars. Ef þú ert í Eflingu eða VR, og vinnur á einhverju af hótelunum sem eru talin upp hér að neðan, nær verkfallið til þín.

Það skiptir ekki máli hvort þú hafir tekið þátt í kosningunni, í hvaða deild hótelsins þú vinnur, eða hvort þú starfir þar sem verktaki. Það skiptir heldur ekki máli ef þú ert skráður í rangt stéttarfélag – verkfallið nær til allra sem vinna störf samkvæmt kjarasamningum Eflingar og VR í hótelum.

Einu undantekningarnar eru hóteleigendur og æðstu stjórnendur.

Ef þú ert í öðru stéttarfélagi og ert beðinn að vinna aukavinnu meðan á verkfallinu stendur er líklega verið að biðja þig um að fremja verkfallsbrot – það er ólöglegt.

Sýnum samstöðu – virðum verkfallsréttinn!

Til að fá styrk úr Vinnudeilusjóði tekur þú þátt í kröfustöðu. Það verða fjórar kröfustöður hvorn dag, athugaðu listann hér fyrir neðan til að sjá hvar starfsfólk þíns hótels ætlar að hittast.