Söguleg forysta hjá Eflingu

29. 05, 2019

Agnieszka Ewa Ziólkowska nýkjörinn varaformaður Eflingar kom á starfsmannafund hjá félaginu í morgun og heilsaði upp á starfsfólk. Agniezska er fyrsti einstaklingurinn af erlendu bergi brotinn sem er kjörinn í þetta ábyrgðastarf.

Agnieszka kemur frá Póllandi og hefur búið og starfað á Íslandi sl. 12 ár, fyrst við þrif hjá ISS og svo sem strætóbílstjóri hjá Almenningsvögnum Kynnisferða. Þar var hún trúnaðarmaður í fjögur ár og starfsfólk þar er nú með best skipulögðu hópum félagsmanna stéttarfélagsins.

„Þetta er söguleg stund, þegar kona af erlendum uppruna tekur við varaformannsembætti í íslensku stéttarfélagi, en helmingur félagsmanna Eflingar er aðflutt verkafólk. Það er tímabært að stéttarfélög endurspegli sinn félagsskap“, segir Sólveig Anna.

Efling býður Agnieszku hjartanlega velkomna til starfa.