Select Page

Starfsmaður 21. aldarinnar er hagnýtt námskeið fyrir þá sem vilja styrkja sig í tækni. Næsta námskeið er kennt á ensku og hefst 6. janúar 2021.

Á námskeiðinu er leitast við að kynna tækni og tæknileg heiti á mannamáli til að efla sjálfstraust þeirra sem vinna með tækni.

Með námskeiðinu er tekið fyrsta skrefið í heim tækninnar en námið er byggt upp af Mími til að efla starfsmenn á tímum fjórðu iðnbyltingarinnar. Mörg störf munu breytast eða jafnvel hverfa vegna tæknilegra framfara – jafnvel hraðar en búist var við vegna efnahagslegrar niðursveiflu af Covid19 faraldrinum. Markmið þessa námskeiðs er að grípa þá sem eru í hættu á að missa starf sitt eða hafa þegar misst það og/eða eru í hlutastarfi.

Á námskeiðinu er leitast við að efla einstaklinga í þeirri tækni sem mest ákall er um að einstaklingar tileinki sér til að styrkja stöðu sína á vinnumarkaði. Námskeiðið snýr að því að upplýsa einstaklinga um möguleg áhrif fjórðu iðnbyltingarinnar á samfélagið og einstaklinga á vinnumarkaði, sem og greina ákjósanlega hæfni og færni hvað varðar tækni með tilliti til niðurstaðna Stafræna hæfnihjólsins sem VR-stéttarfélag hefur þróað og hjálpar einstaklingum að greina eigin tæknifærni.

Félagsmenn í starfsmenntasjóðunum Starfsafl, Landmennt, Sveitamennt, Ríkismennt og Starfsmenntasjóði verslunar- og skrifstofufólks fá námskeiðið að fullu niðurgreitt.

Námskeiðið er samtals 28 klukkustundir og skiptist í tvo hluta.

Fyrri hluti:

  • Fjórða iðnbyltingin
  • Leiðarvísar að farsælu lífi
  • Stafræna hæfnihjólið

 

Seinni hluti – Örvinnustofur

  • Vinnustofa 1: Google í starfi, leik og námi (hluti af óþrjótandi möguleikum Google umhverfisins kynntir)
  • Vinnustofa 2: Stafræn gagnavinnsla (myndvinnsla o.fl)
  • Vinnustofa 3: Forritun og stillingar (tölvuhlutar, tengingar og sjálfvirknivæðing)
  • Vinnustofa 4: Hagnýting samfélagsmiðla (sóknarfæri á samfélagsmiðlum)

Námskeiðið er kennt í fjarnámi og geta því allir af landinu tekið þátt.  Þeir sem telja sig þurfa tæknilega aðstoð eða búnað ( tölvu með myndavél og nettengingu) er velkomið að sitja námskeiðið í húsnæði Mímis að Höfðabakka 9 og fá þann stuðning og aðgang að búnaði.

Starfs- og námsráðgjafar eru einnig til taks. Kennarar á námskeiðinu eru sérfræðingar í sínu fagi og vanir að nálgast nemendur á mismunandi getustigi hvað tækni varðar.

Umsjónarmaður: Anney Þórunn Þorvaldsdóttir, anney@mimir.is 

Skráning og nánari upplýsingar á vef Mímis, www.mimir.is

Processing...
Thank you! Your subscription has been confirmed. You'll hear from us soon.
Barátta fyrir betra lífi.
Vertu áskrifandi að fréttaskeyti Eflingar. Fáðu ferskar fréttir af baráttunni og réttindum þínum í tölvupósti.
ErrorHere