Í Dagsbrúnarfyrirlestri ársins 2022 mun Kristín Heba Gísladóttir framkvæmdastjóri Vörðu – rannsóknastofnunar vinnumarkaðarins fjalla um stöðu innflytjenda sem eru félagar í aðildarfélögum ASÍ og BSRB á Íslandi út frá fjárhagsstöðu, stöðu á húsnæðismarkaði og heilsu á grunni könnunar Vörðu á stöðu launafólks meðal félaga í aðildarfélögum ASÍ og BSRB sem nýlega var birt.
Fyrirlesturinn verður haldinn fimmtudaginn 17. febrúar kl. 12.00 í bókasafni Dagsbrúnar, Þórunnartúni 2.
Dagsbrúnarfyrirlesturinn er haldinn í samvinnu Bókasafns Dagsbrúnar, Eflingar og ReykjavíkurAkademíunnar frá árinu 2003 og hefur verið árlegur viðburður ef undan eru skilin árin 2020 og 2021 en þá féllu fyrirlestrarnir niður vegna heimsfaraldurs Covid-19.
Allir eru velkomnir meðan húsrúm leyfir og farið verður í einu og öllu eftir gildandi sóttvarnareglum.