Ársreikningur Eflingar stéttarfélags er nú tilbúinn og hefur verið undirritaður, bæði af óháðum endurskoðanda, sem og af stjórn Eflingar. Eintak af reikningnum liggur frammi í móttöku skrifstofu Eflingar, Guðrúnartúni 1, 3. hæð, og er þar aðgengilegur félagsfólki sem vill kynna sér hann.
Ársreikningurinn verður lagður fram á aðalfundi Eflingar til afgreiðslu. Aðalfundurinn verður haldinn fimmtudaginn 23. maí á Hótel Hilton Reykjavík Nordica að Suðurlandsbraut 2. Fundurinn hefst klukkan 18:00 og á dagskrá eru hefðbundin aðalfundarstörf.
Allir Eflingarfélagar eru hvattir til að mæta á aðalfundinn en eru vinsamlega beðnir um að skrá sig á fundinn með eyðublaðinu hér.
Þá er rétt að minna á félagsfund Eflingar sem fram fer á morgun, miðvikudaginn 15. maí. Fundurinn verður haldinn í Félagsheimili Eflingar á 4. hæð í Guðrúnartúni 1, 105 Reykjavík og hefst kl. 18.00. Á honum verður meðal annars til meðferðar tillögur að breytingum á reglugerð sjúkrasjóðs Eflingar sem leggja á fyrir aðalfund félagsins. Félagar eru beðnir um að skrá komu sína með eyðublaðinu hér.