Efling stéttarfélag býður félagsfólki sínu upp á aðstoð við gerð og skil á skattframtölum þess dagana 7. til 8. mars næstkomandi.
Aðstoðin við skattframtölin miðast við félagsfólk og maka þeirra, telji þau fram saman. Nóg er að annar aðilinn mæti þegar fólk er samskattað. Ekki er unnt að aðstoða þá sem vinna verktakavinnu og telja fram sem slíkir. Þá er ekki veitt aðstoð vegna fyrirtækja.
Til að bóka tíma skal hringja í símanúmerið 510 7500. Þar eru einnig veittar upplýsingar um þau gögn sem hafa þarf meðferðis.