Fyrsta Eflingarþingið fór fram 26.-27. febrúar síðastliðinn. Er óhætt að segja að þingið hafi tekist afburða vel. Um 200 öflugir Eflingarfélagar komu saman í Austurbæjarbíói til að móta stefnu félagsins og ræða helstu hagsmunamál verkafólks. Á þinginu fór fram fjölbreytt málefnavinna þar sem þingfulltrúar unnu saman í hópum, skiptust á skoðunum og lögðu fram tillögur að áherslum næstu missera. Afurðin var meðal annars fjórar meitlaðar ályktanir um eignarhúsnæði, leiguhúsnæði, launasvik og kjarasamningsbort, og valdeflingu verkafólks á vinnustað.
Þingfulltrúar unnu einnig saman í svokölluðum starfsgreinahópum þar sem þeir ræddu sameiginleg málefni út frá sínum starfsvettvangi og deildu reynslu sinni. Sú vinna var mikilvægur liður í að tryggja að málefni ólíkra starfsgreina innan félagsins heyrist skýrt.
Gestir, erlendir sem innlendir, ávörpuðu þingið og lögðu sitt af mörkum til umræðunnar, en erindi þeirra vöktu athygli og urðu kveikja að frekari umræðum meðal fundarmanna.
Meðfylgjandi myndir frá þinginu gefa innsýn í stemninguna, allt frá málefnavinnu og starfsgreinahópum til ávarpa gesta.
