Sumarhús

Upplýsingar um orlofshúsin má sjá hér til hliðar. Eins má sjá fleiri möguleika sem félagsmenn geta nýtt sér í gegnum orlofssjóðinn í flipanum Kort og afslættir undir orlofsvefnum.

Félagsmenn geta haft samband við skrifstofu félagins í s. 510 7500 eða sent tölvupóst á orlof@efling.is vanti þeim frekari upplýsingar eða aðstoð.

Vetrarleigan er í fullum gangi. Bókað er 4 mánuði fram í tímann en fyrsta virka dag í mánuði bætist við nýr mánuður og er opnað fyrir bókanir á bókunarvefnum kl. 8.15. Félagsmenn geta hringt á skrifstofuna í síma 510-7500 eða farið inn á bókunarvefinn til að bóka.

Félagsmenn þurfa að eiga 24 mánaða samfellda félagasögu eftir að fjárræðisaldri (18 ára) er náð og hafa áunnið sér minnst 48 punkta til viðmiðunar. Gildir það ákvæði almennt um umsækjendur. Þeir félagsmenn sem hafa ekki farið inn á bókunarvefinn áður til að bóka orlofshús, skrá inn kennitölu og smella á sækja um lykilorð. Aðrir sem hafa fengið lykilorð nota það til að innskrá sig.

Umsóknir og úthlutun orlofshúsa 2020:

Páskar: Umsóknartímabil er 30. janúar – 20. febrúar og hægt er að fylla út umsóknir á bókunarvefnum á þessu tímabili. Úthlutað verður 25. febrúar eftir punktakerfi. Athugið að ekki skiptir máli hvenær á umsóknartímabilinu sótt er um, kerfið raðar umsóknum eingöngu eftir punktastöðu félagsmanna. Niðurstöður úthlutunar verða sendar í tölvupósti og greiðslufrestur er ein vika. Eftir það opnast bókunarvefurinn þann 5. mars fyrir alla félagsmenn með réttindi til að bóka laus sem eftir eru um páskana. Sjá nánar

Sumar: Umsóknartímabil er 6. – 26. mars og hægt er að fylla út umsóknir á bókunarvefnum á þessu tímabili. Úthlutað verður 30. mars eftir punktakerfi, þ.e. umsóknum raðað eftir punktastöðu félagsmanna. Félagsmenn þurfa að hafa lágmark 200 punkta til að geta sótt um í sumarúthlutun. Niðurstöður úthlutunar verða senda í tölvupósti og greiðslufrestur er til og með 6. apríl. Eftir það opnast bókunarvefurinn í skrefum; 14.-17.apríl verður bókunarvefurinn opinn fyrir félagsmenn sem eiga 100 punkta og yfir.  17.-20.apríl opnast bókunarvefurinn fyrir félagsmenn sem eiga 1 punkt og yfir. Að lokum opnast bókunarvefurinn 21. apríl fyrir alla félagsmenn með réttindi til að bóka laus hús í sumar.

Processing...
Thank you! Your subscription has been confirmed. You'll hear from us soon.
Barátta fyrir betra lífi.
Vertu áskrifandi að fréttaskeyti Eflingar. Fáðu ferskar fréttir af baráttunni og réttindum þínum í tölvupósti.
ErrorHere