Til undirbúnings 46. þings Alþýðusambands Íslands var ákveðið að fara í tvær hringferðir um landið og ræða við stjórnir, trúnaðarráð og virka félagsmenn í aðildarfélögum sambandsins. Sú fyrri var farin í maí og nú er komið að þeirri seinni.
Hringferðarfundur sambandsins með Eflingu verður haldinn 3. september kl. 18:00-20:00 í Félagsheimili Eflingar, 4. hæð í Guðrúnartúni 1.
Virkir félagsmenn í Eflingu sem boðið er á fundinn hafa fengið tölvupóst og eru þeir beðnir að staðfesta komu sína með eyðublaðinu hér fyrir neðan eigi síðar en fyrir lok dags mánudaginn 26. ágúst.