Efling býður félagsfólki að taka þátt í skemmtilegum og litríkum viðburði, Matur og menning, sem verður haldinn í þriðja sinn sunnudaginn 21. september í Iðnó, Vonarstræti 3, Reykjavík.
Á viðburðinum gefst Eflingarfélögum tækifæri til að bjóða upp á rétti úr sínu upprunalandi og deila matarmenningu sinni með öðrum. Félagar Eflingar koma frá 144 mismunandi löndum – þannig að úrvalið lofar góðu!
Vilt þú taka þátt?
- Félagið greiðir efniskostnað gegn framvísun kvittunar.
- Efling sér um diska, hnífapör, servíettur og drykki.
- Skráningu fyrir matargerð þarf að skila fyrir hádegi 15. september.
- Skráning fer fram í gegnum eyðublaðið hér að neðan.
Nýtt í ár!
Við bætum við menningarlegum atriðum – t.d. söng, dansi eða öðru skemmtilegu. Félagar sem vilja taka þátt með atriði geta einnig skráð sig í gegnum eyðublað hér að neðan.
Dagskrá:
- Húsið opnar kl. 14:00
- Viðburðurinn stendur til kl. 16:00
- Maturinn er á boðstólum án endurgjalds og aðgangur er ókeypis fyrir félagsmenn Eflingar.
Skráningareyðublað fyrir þá sem ætla að koma með mat eða atriði:
Frekari upplýsingar verða sendar skráðum þátttakendum þegar nær dregur.