Magano Kaprína Shiimi í garðinum við heimili sitt

Magano Kaprína Shiimi

Syngur með Regnbogakonum

Magano Kaprína Shiimi er frá Namibíu og kom til Íslands í janúar 2005 og vinnur í fiski hjá HB Granda í Örfirisey. Fyrst eftir að ég kom hingað vann ég í fiski í Grindavík en flutti svo til Reykjavíkur og fór að vinna hjá HB Granda, segir hún, þegar blaðið heimsótti hana  fyrir skömmu.  Tilefnið var að hún söng með Regnbogakonum á skemmtun á ársfundi Alþýðusambands Íslands sem var haldin á Broadway. Kórinn er á vegum Alþjóðahússins og vakti flutningur hans mikla athygli áheyrenda.
Magano segir að kórinn hafi verið stofnaður í sumar og konur frá mörgum löndum Evrópu, Ameríku, Asíu og Afríku taki þátt í starfinu. Þær flytja lög á ýmsum tungumálum eins og íslensku, ensku, spænsku, japönsku, ítölsku og kínversku.
Magano söng í kirkjukór heima í Namibíu og  þegar hún frétti af Regnbogakonum sótti hún um og komst í  kórinn. Hún segist hafa orðið mjög glöð og ætli að syngja í kórnum eins lengi og söngkrafta hennar sé óskað.
Ég flutti hingað ásamt dóttur minni sem er 12 ára og henni gengur mjög vel í skólanum og við gætum vel hugsað okkur að dvelja hér til frambúðar, sagði Magano að lokum.


Regnbogakonur á Broadway

Processing...
Thank you! Your subscription has been confirmed. You'll hear from us soon.
Barátta fyrir betra lífi.
Vertu áskrifandi að fréttaskeyti Eflingar. Fáðu ferskar fréttir af baráttunni og réttindum þínum í tölvupósti.
ErrorHere