Árrisulir félagsmenn mættu eldsnemma í  fyrstur kemur fyrstur fær

Örtröð hjá Eflingu

Það var ys og þys á skrifstofu Eflingar á föstudaginn var þegar opnað var fyrir umsóknir að nýju eftir fyrstu úthlutanir í orlofshúsakerfinu. Þar gilti reglan fyrstur kemur fyrstur fær. Margir tóku þetta háalvarlega og voru mættir fyrir utan hús Eflingar fyrir klukkan sex um morguninn þó að afgreiðslan hæfist ekki fyrr en eftir kl. 08.00. Allir fengu sín númer í röðinni og tók um tvo tíma að ganga frá öllum óskum félagsmanna. Að sögn Sveins Ingvasonar, sviðsstjóra orlofsmála hjá Eflingu tókst að finna flestum stað í sumarhúsum félagsins, en gríðarleg ásókn hefur verið eftir húsunum á þessu ári eins og fram hefur komið í fréttum.

Processing...
Thank you! Your subscription has been confirmed. You'll hear from us soon.
Barátta fyrir betra lífi.
Vertu áskrifandi að fréttaskeyti Eflingar. Fáðu ferskar fréttir af baráttunni og réttindum þínum í tölvupósti.
ErrorHere