Vinnustaðaeftirlit

Starfsmenn lögðu á flótta

Í eftirlitsferð stéttarfélaganna og Vinnumálastofnunar í  gær 4. júní var komið við í húsi sem verið er að breyta við Hverfisgötu. Þegar vinnueftirlitsmenn komu á staðinn brá  svo við að tveir starfsmenn létu sig hverfa umsvifalaust og sást til þeirra á Arnarhóli stuttu síðar. Þegar eftirlitsmenn ætluðu að hafa tal af þeim þar tóku þeir á sprett og hurfu sjónum. 

Í ljós kom að mennirnir hafa verið á atvinnuleysisbótum og mun Vinnumálastofnun í framhaldinu kanna hvort þeir hafi verið í vinnu á sama tíma.
Í venjubundnu eftirliti sem nokkur stéttarfélög ásamt Vinnumálastofnun hafa framkvæmt nokkur undanfarin ár hefur aðaláhersla verið lögð á að erlendir starfsmenn sem starfa hér á landi hafi atvinnuleyfi og starfi hér löglega.
Að undanförnu með tilliti til breyttra aðstæðna hefur eftirlitið þróast og breyst yfir í það að vera meira eftirlit með hvort starfsmenn séu að greiða lögbundin gjöld og launatengd. Þá hefur verið athugað hvort starfsmenn séu á atvinnuleysisbótum og í vinnu á sama tíma.

Processing...
Thank you! Your subscription has been confirmed. You'll hear from us soon.
Barátta fyrir betra lífi.
Vertu áskrifandi að fréttaskeyti Eflingar. Fáðu ferskar fréttir af baráttunni og réttindum þínum í tölvupósti.
ErrorHere