Skrifstofustjóri Gildis

Flest lán í fullum skilum

-segir Örn Arnþórsson

Það kom fram í máli Arnar Arnþórssonar, skrifstofustjóra Gildis – lífeyrissjóðs með stjórn Eflingar í vikunni að langstærstur hluti af lánasafni sjóðfélaga hjá Gildi – lífeyrissjóði eru í fullum skilum eða 93% lánanna. Hann sagði það ljóst að margir væru að nýta sér þau úrræði sem væru í boði hjá sjóðnum en mikil áhersla væri hjá Gildi að aðstoða alla þá sem leita til sjóðsins um úrræði í lánamálum þeirra. Hann nefndi sem dæmi að um 165 lán hefðu verið sett í frystingu en hægt er að frysta lán í allt að  12 mánuði.

Örn sagði að staða  Gildis í lífeyrismálum væri sú að um 3600 sjóðfélagalán væru hjá sjóðnun upp á um 11.5 milljarða og væru þar af 93%  í fullum skilum, 2% eru í lögfræðinnheimtu og 5 % eru í vanskilum með 30 daga eða meira. Við 90 daga vanskil  kemur að lögfræðiinnheimtu. Fram kom hjá honum að það er einmitt verið að vinna í þessum vanskilahópi til að halda þessu sem mest í skilum. Alls hafa um 165 lán verið sett alveg í frystingu, 6 mánaða eða 12 mánaða frystingu og 40 til viðbótar þar sem við höfum verið að skuldbreyta þannig að sjóðfélagar hafa verið að nýta sér heilmikið þessi úrræði sem í boði eru, segir hann.

Processing...
Thank you! Your subscription has been confirmed. You'll hear from us soon.
Barátta fyrir betra lífi.
Vertu áskrifandi að fréttaskeyti Eflingar. Fáðu ferskar fréttir af baráttunni og réttindum þínum í tölvupósti.
ErrorHere