Þjálfun í samstöðuverkalýðsbaráttu á sunnudaginn

Stendur þú í stappi í vinnunni?
Er verið að snuða þig um laun, kaffitíma eða réttindi?
Er þér sýnd vanvirðing?

Félagssvið Eflingar býður þér á sérstakt námskeið. Kevin Ray og Marianne Garneau frá stéttarfélaginu Stardust Family United bjóða upp á þjálfun sem er byggð á reynslu þeirra af skipulagningu hins heimsfræga Ellen’s Stardust Diner við Times Square. Syngjandi framreiðslufólk þar skipulagði sig og tekur nú ákvarðanir lýðræðislega um hvernig þau vilja bregðast við vandamálum á vinnustaðnum.

Þau munu kenna okkur hvernig við getum:

Haldið maður-á-mann fundi með vinnufélögum

Skipulagt og framkvæmt stigvaxandi aðgerðir á vinnustaðnum

Leyst úr vandamálum sem falla ekki undir kjarasamning.

Fundurinn fer fram á ensku

10 Febrúar 2019, klukkan 13:00 – 17:00 á fjórðu hæð í húsi Eflingar, Guðrúnartúni 1, 105 Reykjavík.