Glöggir Eflingarfélagar hafa eflaust tekið eftir því að daginn er tekið að lengja. Þrátt fyrir alls kyns ferðabönn á þessum fordæmalausu tímum er lóan mætt eins og hún gerir alltaf og veigrar sér ekki við að syngja inn vorið – og það í raunheimum.

Annar vorðboði, Orlofsblað Eflingar fyrir sumarið 2020, ætti nú einnig að hafa borist inn um lúguna til félagsmanna. Ef ekki, er það einnig að finna á rafrænu formi hér.

Blaðið í ár er gefið út með breyttu sniði en auk útlitsbreytinga er nú allur texti bæði á íslensku og ensku. Allar breytingar á blaðinu miða að því að gera upplýsingar aðgengilegri og koma til móts við fjölbreyttan hóp félagsmanna Eflingar.

Blaðið í ár er stútfullt af innblæstri fyrir komandi sumarfrí; hugmyndir að skemmtilegum leikjum, girnilegar uppskriftir fyrir bústaðinn og upplýsingar um hvað sé áhugavert að sjá og gera á ferð okkar um landið. Það er varla betri tími en einmitt núna að leyfa huganum að reika örlítið fram í tímann, þegar sólin er farin að skína og grasið að grænka.

Processing...
Thank you! Your subscription has been confirmed. You'll hear from us soon.
Barátta fyrir betra lífi.
Vertu áskrifandi að fréttaskeyti Eflingar. Fáðu ferskar fréttir af baráttunni og réttindum þínum í tölvupósti.
ErrorHere