Athygli Eflingarfélaga í leikskólum Reykjavíkurborgar er vakin á því að niðurfelling á 10 yfirvinnutímum vegna vinnu í matartímum er í samræmi við nýsamþykktan kjarasamning og verður greiðslunum breytt í fasta samsvarandi upphæð.

Með sama hætti breytast greiðslur til starfsmanna í heimaþjónustu fyrir 13 yfirvinnutíma vegna  vinnu í kaffitímum í fasta upphæð, sömu upphæð og áður var greidd í gegnum yfirvinnu. Með nýja fyrirkomulaginu fellur orlofsgreiðsla af greiðslunni niður.

Minnt er á að allir starfsmenn borgarinnar fá minnst  90.000 kr. launahækkun að fyrirmynd Lífskjarasamningsins í fjórum áföngum samkvæmt nýja kjarasamningnum. Fyrsta hækkunin upp á 17.000 kr. á mánuði frá 1. apríl 2019 verður greidd út í einu lagi um næstu mánaðamót að frátalinni 105.000 kr. eingreiðslu frá því í haust.

Starfsmenn fá 24.000 kr hækkun á mánuði auk að meðaltali 7.800 kr aukahækkunar vegna breytinga á launatöflu frá 1. apríl 2020. Þá fá launalægstu starfsmennirnir allt að 15.000 kr. sérstaka hækkun ofan á laun sín frá sama degi. Ótalin er hækkun desember- og orlofsuppbótar.

Þá felur nýi samningurinn í sér ákvæði um styttingu vinnuvikunnar, aukinn rétt til námsleyfis og betra mat á reynslu úr fyrri störfum við ráðningu til sveitarfélagsins svo dæmi séu nefnd. Nánari kynning á atriðum úr samningum Eflingar við Reykjavíkurborg og Ríkið er hér.

Félagsmenn eru hvattir til að fylgjast með að hækkanir samkvæmt nýjum kjarasamningi birtist rétt á launaseðli og í útborguðum launum 1. maí næstkomandi. Sjá frétt.

Processing...
Thank you! Your subscription has been confirmed. You'll hear from us soon.
Barátta fyrir betra lífi.
Vertu áskrifandi að fréttaskeyti Eflingar. Fáðu ferskar fréttir af baráttunni og réttindum þínum í tölvupósti.
ErrorHere