Efling – stéttarfélag kallar eftir tilnefningum til setu í trúnaðarráði félagsins 2021-2022.

Allir fullgildir félagsmenn í Eflingu geta tilnefnt sjálfan sig eða annan fullgildan félagsmann. Uppstillingarnefnd félagsins tekur við tilnefningum og óskast þær sendar á netfangið felagssvid@efling.is eða í gegnum síma 510-7500 fyrir klukkan 12:00 á hádegi miðvikudaginn 4. nóvember 2020. Óskað er eftir að eftirfarandi upplýsingar komi fram í tilnefningu:

  • Nafn og kennitala
  • Sími og netfang
  • Vinnustaður og/eða starfsgrein viðkomandi (ekki skilyrði)
  • Reynsla, þekking eða annað sem viðkomandi vill láta koma fram (ekki skilyrði)

Uppstillingarnefnd setur saman tillögu að lista nýs trúnaðarráðs. Verður við val á listann tekið tillit til reynslu en einnig þess að listinn endurspegli félagið í heild sinni með hliðsjón af atvinnugrein, aldri, kyni, uppruna og fleiri þáttum.

Trúnaðarráðið hefur samkvæmt lögum Eflingar æðsta vald í málefnum félagsins. Kjörtímabil nýs trúnaðarráðs hefst 1. janúar 2021 og er tvö ár. Í trúnaðarráði sitja 115 félagsmenn ásamt 15 manna stjórn félagsins. Trúnaðarráð fundar að jafnaði mánaðarlega.

Processing...
Thank you! Your subscription has been confirmed. You'll hear from us soon.
Barátta fyrir betra lífi.
Vertu áskrifandi að fréttaskeyti Eflingar. Fáðu ferskar fréttir af baráttunni og réttindum þínum í tölvupósti.
ErrorHere