Á næsta trúnaðarráðsfundi Eflingar sem haldinn verður þann 12. nóvember nk. mun Kristinn Már Ársælsson fjalla um vald sjóðfélaga.

Vald sjóðfélaga í íslenska lífeyrissjóðakerfinu

Lífeyrissjóðir eiga stóran hlut og jafnvel meirihluta í mörgum af stærstu fyrirtækjum á Íslandi. Verkafólk er þannig í reynd eigendur, í gegnum lífeyrissjóði sína, að fyrirtækjunum sem þau skipta við og vinna hjá. Hvaða völd og tækifæri hefur verkafólk til þess að knýja fram jákvæðar breytingar í gegnum þessa sameiginlegu sjóði? Hvaða áhrif hafa sjóðsfélagar á fjárfestingarstefnu og rekstur lífeyrissjóða?

Varpað verður ljósi á þessar spurningar frá ýmsum sjónarhornum í erindi Kristins og að því búnu verður boðið upp á umræður í hópum.

Um fyrirlesarann: Kristinn Már Ársælsson er að ljúka við doktorsnám í félagsfræði við Háskólann í Wisconsin-Madison í Bandaríkjunum. Hann rannsakar ógnir sem steðja að lýðræðinu sem og tilraunir til þess að styrkja það. Kristinn Már átti frumkvæði að því að stofna Lýðræðisfélagið Öldu árið 2010.

Processing...
Thank you! Your subscription has been confirmed. You'll hear from us soon.
Barátta fyrir betra lífi.
Vertu áskrifandi að fréttaskeyti Eflingar. Fáðu ferskar fréttir af baráttunni og réttindum þínum í tölvupósti.
ErrorHere