Um mánaðamótin styttist vinnuvikan hjá vaktavinnufólki að störfum hjá hinu opinbera og hjúkrunarheimilum. Við það breytist samsetning launa talsvert, og erfitt getur verið að átta sig á heildaráhrifunum. Efling hefur af því tilefni útbúið reiknivél til að bera saman gamla og nýja vaktarúllu, til að sjá hver áhrifin verða á laun. Í vélina eru slegnar inn vaktir eins og þær voru fyrir 1. maí, og hvernig þær eru núna, og laun prentast þá út mánuð fyrir mánuð næsta árið. Vélin er aðgengileg á app.efling.is/vaktareiknir
