Jólagleðin réði ríkjum á hinu árlega jólaballi Eflingar stéttarfélags sem fór fram með pompi og prakt um helgina. Jólaballið var haldið í glæsilegum sal í Gullhömrum í Grafarholti á laugardaginn. Fullt var út úr dyrum en 450 manns á öllum aldri komu og áttu góða stund saman.
Jólasveinarnir komu og skemmtu mannsskapnum með sprelli og sungu jólalög. Hljómsveit hélt uppi fjörinu og að sjálfsögðu var dansað í kringum jólatréð að hátíðarsið. Að loknum dansi nutu ballgestir veitinga og yngri kynslóðin var liðtæk í að smakka á jólanamminu.
Efling þakkar félagsfólki fyrir frábæran dag.
Hér fyrir neðan má sjá myndir af jólaballinu:
Jólasveinarnir komnir niður úr fjöllunum
Jólalegar litlar vinkonur
Kíkt á jólasveinana
Fínir jólaálfar
Jólasveinar að jólasveinast
Jólalögin sungin
Gaman saman
Snúningur tekinn á dansgólfinu
Bráðum koma blessuð jólin
Jólagleði