Opnað hefur verið fyrir fyrri hluta vetrarleigu orlofshúsa Eflingar. Eflingarfélagar geta bókað orlofshús á Mínum síðum á vefsíðu Eflingar, en úthlutunarreglum hefur verið breytt lítillega frá því sem áður var.
Breytingarnar eru fólgnar í því að áður var hægt að leigja staka daga eða bæta aukadögum við helgarleigu. Sökum mikillar eftirspurnar eftir leigu á orlofshúsum Eflingar og þess óhagræðis sem er fólgið í því að leigja húsin út í aðeins einn dag hefur verið fallið frá þessu.
Nýju úthlutunarreglurnar eru með þeim hætti að nú er aðeins hægt að leigja orlofshúsin yfir helgi, frá föstudegi til mánudags, eða í vikutíma, hvort heldur sem er frá mánudegi til mánudags eða föstudegi til föstudags. Með umræddum breytingum er hægt að anna eftirspurn eftir orlofshúsum Eflingar í meira mæli, þar eð mun betri nýting næst með nýju reglunum.
Hér má finna leiðbeiningar um bókun orlofshúsa Eflingar.
Hér má finna beina slóð inn á Mínar síður Eflingar til að bóka orlofshúsin.