Heilsuefling
Fræðslustyrkir
Sálfræði
Heilsuefling
Fræðslustyrkir
Sálfræði
STYRKIR Í BOÐI
Félagsfólk á rétt á sjúkradagpeningum úr sjúkrasjóði Eflingar ef greitt hefur verið af honum til sjúkrasjóðs í a.m.k. sex mánuði áður en hann verður launalaus vegna veikinda eða slyss.
Skila þarf umsóknum í síðasta lagi 20. hvers mánaðar til að vera öruggur með að fá greitt mánaðamótin á eftir. Ef 20. lendir á helgi þurfa umsóknir að berast í síðasta lagi á föstudegi þar á undan. Umsóknir sem berast á milli 21. og 31. hvers mánaðar eru greiddar út í kringum 10. næsta mánaðar.
Með umsókn þarf að fylgja:
- Ljósrit af sjúkradagpeningavottorði frá lækni, upprunnið í tölvukerfum heilsugæslunnar og spítalanna. Ef einnig er sótt um dagpeninga til Sjúkratrygginga Íslands, þarf frumrit af sjúkradagpeningavottorði að fylgja þeirri umsókn. Erlend vottorð eru ekki tekin gild.
- Starfsvottorð frá atvinnurekanda þar sem fram kemur starfstími félagsmanns og starfshlutfall næstliðinna 6 mánaða og hvaða dag viðkomandi varð launalaus vegna veikinda/slyss og hve margir veikindadagar voru nýttir.
- Ef umsækjandi hefur verið á atvinnuleysisbótum áður en hann sækir um þarf að fylgja staðfesting frá Vinnumálastofnun um að viðkomandi sé ekki á atvinnuleysisbótum á meðan á greiðslum frá Eflingu stendur.
- Útfyllt eyðublað um nýtingu persónuafsláttar.
- Annað sem gæti skipt máli t.d.:
- Ef umsækjanda hefur verið sagt upp af atvinnurekanda þarf að fylgja staðfesting frá Vinnumálastofnun um að viðkomandi sé ekki á atvinnuleysisbótum á meðan á greiðslum frá Eflingu stendur.
- Ef umsækjandi er barnshafandi og gengin lengra en 7 mánuði þarf að fylgja umsókn staðfesting frá Fæðingarorlofssjóði að viðkomandi fái ekki lengingu fæðingarorlofs.
- Sé um framhaldsvottorð vegna sjúkradagpeninga að ræða þarf einnig að fylgja Staðgreiðsluskrá frá Skattinum.
Umsækjendur athugið!
Umsækjandi heimilar sjúkrasjóði að bera umsókn og læknisfræðileg gögn undir trúnaðarlækni sjóðsins. Í einhverjum tilvikum getur umsækjandi átt von á því að krafist verði ítarlegri gagna eða að umsækjandi sé kallaður í læknisfræðilegt mat hjá trúnaðarlækni. Sjúkrasjóður getur hafnað umsókn um sjúkradagpeninga á grundvelli mats trúnaðarlæknis.
Skilyrði til greiðslu sjúkradagpeninga
Félagsmaður á rétt á sjúkradagpeningum eftir 6 mánaða iðgjaldagreiðslur áður en hann verður launalaus vegna veikinda eða slyss. Réttur til dagpeninga myndast eftir að samningsbundnum rétti til veikindalauna frá atvinnurekanda er lokið.
Hafi félagi greitt til annars sjúkrasjóðs (annars stéttarfélags) innan ASÍ og BSRB flytjast réttindi á mili sjóða á það einnig við um dagpeningagreiðslur teknar hjá fyrra stéttarfélagi, sjá nánar undir Skemmri aðild og flutingur frá öðru félagi hér fyrir neðan.
Réttur til sjúkradagpeninga
- Félagsmaður á rétt á sjúkradagpeningum úr sjúkrasjóði Eflingar ef greitt hefur verið af viðkomandi til sjóðsins a.m.k. sex síðustu mánuði áður en viðkomandi verður launalaus vegna veikinda/slysa. Réttur stofnast frá og með þeim degi sem einstaklingur verður launalaus.
- Sjóðfélaga er skylt að láta sjóðinn vita þegar hann verður vinnufær á ný eða öðlast rétt til bóta frá öðrum aðilum svo sem lífeyrissjóði eða Tryggingastofnun að viðlögðum réttindamissi. Ofgreidda dagpeninga ber sjóðfélaga að endurgreiða sjóðnum.
- Heimilt er að greiða út sjúkradagpeninga afturvirkt í allt að 3 mánuði frá því að umsókn barst sjóðnum.
- Réttur til bóta eða styrkja úr sjóðnum fyrnast sé ekki sótt um innan 12 mánaða frá því rétturinn skapaðist.
Almenni markaðurinn
Opinberi markaðurinn
Almenni markaðurinn - fyrir þá sem vinna hjá einkafyrirtæki
- Vegna veikinda eða slysa - allt að 180 dagar*
- Vegna veikinda barna - allt að 180 dagar*
- Vegna veikinda maka - allt að 90 dagar* enda sé samfelld aðild a.m.k. 12 mánuðir eða lengri
- Vegna áfengis- eða vímuefnameðferðar - allt að 90 dagar*
Framhaldsgreiðslur vegna lengri veikinda eða slysa:
Í sérstökum tilvikum og að höfðu samráði við starfsendurhæfingarráðgjafa og/eða trúnaðarlækni sjóðsins er heimilt að greiða sjóðfélaga sem starfað hefur á almennum markaði allt að 120 daga til viðbótar, enda eigi sjóðfélagi ekki rétt á öðrum greiðslum svo sem örorku-, endurhæfingarlífeyri eða ellilífeyri og eru þá greiddir dagpeningar miðað við lágmarkstekjur.
Vegna veikinda móður á meðgöngu:
Vegna veikinda móður á meðgöngu er ***greitt út sjöunda mánuð meðgöngu,*** þó ekki lengur en skv. fyrrgreindum reglum um dagpeninga.
Kona getur sótt um allt að tveggja mánaða lengingu fæðingarorlofs vegna veikinda á meðgöngu án þess að skerða rétt sinn til fæðingarorlofs eftir fæðingu skv. ákvæðum laga nr. 95/2000.
*miðast við full réttindi
Opinberi markaðurinn - fyrir þá sem vinna hjá ríki, sveitarfélagi, hjúkrunarheimili, sjálfstætt starfandi leikskóla eða Faxaflóahöfnum.
- Vegna veikinda eða slysa - allt að 90 dagar*
- Vegna veikinda barna - allt að 180 dagar*
- Vegna veikinda maka - allt að 90 dagar* enda sé samfelld aðild a.m.k. 12 mánuðir eða lengri
- Vegna áfengis- eða vímuefnameðferðar - allt að 90 dagar*
Framhaldsgreiðslur vegna lengri veikinda eða slysa:
Í sérstökum tilvikum og að höfðu samráði við starfsendurhæfingarráðgjafa og/eða trúnaðarlækni sjóðsins er heimilt að greiða sjóðfélaga sem starfað hefur á opinbera markaðnum allt að 90 daga til viðbótar, enda eigi sjóðfélagi ekki rétt á öðrum greiðslum svo sem örorku-, endurhæfingarlífeyri eða ellilífeyri og eru þá greiddir dagpeningar miðað við lágmarkstekjur.
Vegna veikinda móður á meðgöngu:
Vegna veikinda móður á meðgöngu er ***greitt út sjöunda mánuð meðgöngu,*** þó ekki lengur en skv. fyrrgreindum reglum um dagpeninga.
Kona getur sótt um allt að tveggja mánaða lengingu fæðingarorlofs vegna veikinda á meðgöngu án þess að skerða rétt sinn til fæðingarorlofs eftir fæðingu skv. ákvæðum laga nr. 95/2000.
*miðast við full réttindi
Félagar á atvinnuleysisbótum eða í fæðingarorlofi
Dagpeningar eru greiddir í allt að 3 mánuði vegna sjóðfélaga sem eru atvinnulausir eða í fæðingarorlofi svo lengi sem sjóðfélaginn hefur áfram greitt félagsgjald af greiðslum sínum til félagsins og átti rétt til sjúkradagpeninga áður en þeir urðu atvinnulausir eða fóru í fæðingarorlof.
Tekjutenging
Greitt er 80% af meðallaunum miðað við iðgjaldaskil í sjóðinn næstliðna 6 mánuði áður en sjóðfélagi varð launalaus vegna veikinda, þó ekki af hærri upphæð en sem nemur kr. 854.197- til jafnaðar á mánuði, að frádregnum dagpeningum frá Sjúkratryggingum.
Ef samfelld sjóðfélagsaðild er 5 ár eða lengri, getur tekjutengingin að viðbættum dagpeningum frá Sjúkratryggingum Íslands numið allt að 100% tekjutapi þó að hámarki kr. 1.029.693- á mánuði. Þeir félagsmenn sem uppfylla þetta skilyrði eiga rétt á dagpeningum í allt að 6 mánuði.
Greiðslur til sjóðsins (Sjúkrasjóðs Eflingar) þurfa að hafa borist að lágmarki í 54 af sl. 60 mánuðum til þess að uppfylla þetta skilyrði.
Skemmri aðild og flutningur frá öðru félagi
Ef aðild að sjóðnum er skemmri en 6 samfelldir mánuðir á félagsmaður ekki rétt á dagpeningum, nema um sé að ræða að sjóðsfélagi hafi komið beint til Eflingar úr öðru félagi innan ASÍ eða BSRB.
Flutningur frá öðru félagi innan ASÍ/BSRB
Flutningur réttinda frá öðru verkalýðsfélagi innan Alþýðusambands Íslands eða BSRB til Eflingar getur átt sér stað ef greitt hefur verið til sjúkrasjóðs Eflingar af viðkomandi í a.m.k. einn mánuð og til annars sjúkrasjóðs hjá félagi innan ASÍ eða BSRB í a.m.k. sex mánuði þar á undan. Þá er deilt með mánaðafjölda hjá Eflingu, sé þannig um 6 mánaða samfellda aðild að ræða í tveimur eða fleiri félögum áður en sjóðfélagi varð launalaus vegna veikinda.
Það sama gildir um sjúkradagpeninga, ef viðkomandi hefur fengið greidda sjúkradagpeninga frá fyrra félagi dregst það frá réttinum til sjúkradagpeninga úr sjúkrasjóði Eflingar.
Félagsgjald er reiknað af dagpeningum
Til að viðhalda réttindum hjá öðrum sjóðum félagsins, svo sem hjá orlofs- og fræðslusjóðum er reiknað 0,7% félagsgjald af dagpeningum.
Hvenær eru dagpeningar ekki greiddir?
Dagpeningar eru einungis greiddir tímabundið til þeirra sem verða launalausir vegna veikinda og eiga ekki rétt á öðrum greiðslum en sjúkradagpeningum Sjúkrasjóðs og dagpeningum frá Sjúkratryggingum Íslands. Ekki er greitt þegar/ef sjóðfélagi öðlast rétt til greiðslna frá Tryggingastofnun eða lífeyrissjóði svo sem örorkubætur-endurhæfingarlífeyrir/ ellilífeyrir/eftirlaun. Þá er ekki greitt vegna bótaskyldra slysa s.s. umferðarslysa sem teljast lögboðnar greiðslur og ber því tryggingafélagi að greiða þolanda tímabundið atvinnutjón.
Endurnýjun dagpeningaréttar
Réttur til dagpeninga endurnýjast á hverjum 12 mánuðum, hlutfallslega eftir því sem hann er nýttur, talið frá þeim degi sem dagpeningagreiðslum lýkur hverju sinni og greiðslur iðgjalda hefjast að nýju, sbr. regla ASÍ þar um.
Reglur um læknisvottorð
- Umsókn um sjúkradagpeninga skjal fylgja ljósrit af sjúkradagpeningavottorði frá lækni, upprunnið í tölvukerfum heilsugæslunnar og spítalanna.
- Fyrsta vottorð og framhaldsvottorð þurfa að vera íslenskt sjúkradagpeningavottorð.
- Heimilt er að skila erlendu fyrsta vottorði ef félagsmaður veikist skyndilega í fríi erlendis. Félagsmaður þarf að færa sönnur fyrir því að um fyrirfram ákveðið frí erlendis hafi verið að ræða.
Réttur hjá Sjúkratryggingum Íslands
Samhliða dagpeningagreiðslum frá Sjúkrasjóðnum eiga sjóðfélagar rétt á sjúkra- eða slysadagpeningagreiðslum frá Sjúkratryggingum Íslands.
Heilsuefling - líkamsræktarstyrkur
Styrkur vegna heilsueflingar nær til líkamsræktar, íþrótta, sunds, dans o.fl. Hægt er að nota styrkinn vegna kaupa á reiðhjóli.
Stöðin, skólinn eða félagið skal vera lögaðili (kennitala og fast heimilisfang) með fasta aðstöðu og skipulagt starf og hafi á að skipa viðurkenndum íþróttakennurum eða leiðbeinendum.
Greitt er allt að 23.000 kr. á hverjum 12 mánuðum, að hámarki 50% af kostnaði.
Með umsókn skal fylgja frumrit reiknings þar sem nafn og kennitala félagsmanns kemur fram. Ef ekki kemur fram staðfesting á greiðslu á reikning þarf að skila til viðbótar staðfestingu á greiðslu, t.d. úr heimabanka eða greiðslukvittun frá útgefanda reiknings.
Fræðslustyrkir
Add your title here
This is the text area for this paragraph.
To change it, simply click and start typing. Once you've added your content, you can customize its design by using different colors, fonts, font sizes and bullets. Just highlight the words you want to design and choose from the various options in the text editing bar.
Title or question 3
Add your title here
This is the text area for this paragraph.
To change it, simply click and start typing. Once you've added your content, you can customize its design by using different colors,
fonts, font sizes and bullets. Just highlight the words you want to design and choose from the various options in the text editing bar.
