Skilmálar og úthlutunarkerfi

Skilmálar

Orlofshús – sameign allra félagsmanna Eflingar

Reglur og ábyrgð félagsmanna :

• Leigutaki er ábyrgðaraðili fyrir orlofshúsinu/íbúðinni og afhendast lyklar til hans. EKKI er leyfilegt að framselja leigurétt sinn til  annarra.

• Tjón af völdum leigutaka eða gesta hans eru að fullu á ábyrgð leigutaka

• Leigutaka ber að tilkynna umsjónarmanni strax ef eitthvað er ábótavant eða tjón hefur valdist á meðan dvöl stendur

• BANNAÐ er að hafa gæludýr

• Virða ber hversu margir geta gist í hverju orlofshúsi

• Leigutaki er ábyrgur fyrir þrifum og umgengni og ber að kynna sér húsreglur. Ávallt skal skila húsi vel hreinu.

• Virða friðhelgi annarra á svæðinu

• Nauðsynlegt að leigutaki kynni sér innihald leigusamnings varðandi frekari upplýsingar

• Leigutaki kanni færð á vegum á vetrartíma, þar sem ekki er hægt að tryggja snjómokstur alla daga

Punktakerfi og úthlutanir

Sérstakt orlofshúsakerfi Eflingar heldur utan um allar úthlutanir félagsins, þar safnast réttindi upp í formi punkta á hvern félagsmann og lífaldur getur jafnframt haft áhrif á úthlutanir. Fjöldi punkta markast af greiðslum til félagsins en reynt er að búa út sem mestan jöfnuð í kerfinu þannig að þeir sem hafa lægri tekjur eigi einnig góða möguleika á að fá úthlutað íbúðum og orlofshúsum.

Tölvukerfið úthlutar þannig að öllum umsóknum er raðað eftir punktaröð, þ.e. þeir umsækjendur sem hafa flesta punkta eru efst í röðinni og svo koll af kolli.
Lífaldur ræður ef punktar tveggja eru jafnir þ.e. sá sem er eldri fær fyrst úthlutað. Kerfið les sig síðan í gegn um allar umsóknirnar og skoðar hvert val fyrir sig.

Aðeins ein úthlutun verður og er hún fyrir félagsmenn með 200 punkta og yfir í kerfinu. Þetta á bæði við um sumar- og páskaúthlutun.
Eftir fyrstu úthlutun í páskaúthlutun opnast bókunarvefurinn fyrir alla félagsmenn með réttindi en í sumarúthlutun opnast hann í skrefum fyrir aðra félagsmenn til að bóka sig í þau hús sem laus eru hverju sinni.
Fyrst í 3 daga fyrir þá sem eiga 100 punkta og meira í kerfinu.
Næst í 3 daga fyrir þá sem eiga 1 punkt og meira. Í lokin opnast fyrir alla félagsmenn með réttindi.

Fyrstur nær fyrstur fær
Eftir að úthlutun er lokið opnast bókunarvefur fyrir laus hús út frá punktainneign félagsmanna. Kynnið ykkur nánari upplýsingar á aðalsíðu orlofsvefsins.
Punktasöfnun

Hingað til hafa punktar safnast þannig að fyrir u.þ.b. ¼ starfshlutfall fæst 1 punktur á mánuði en 2 fyrir allt umfram það. Breytingin felst í því að nú er miðað við ¼ af tekjutryggingu og undir gefur 1 punkt, frá því að fullri tekjutryggingu 2 punkta og 3 fyrir allt umfram það.
Einnig verður nú ekki lengur hámark á punktasöfnuninni 12 ár eða 288 punktar eins og verið hefur heldur safnast punktar eins lengi og viðkomandi greiðir til félagsins.

Félagsmenn í atvinnuleit sem greiða félagsgjöld af atvinnuleysisbótum eiga einnig rétt til að sækja um hús.

Processing...
Thank you! Your subscription has been confirmed. You'll hear from us soon.
Barátta fyrir betra lífi.
Vertu áskrifandi að fréttaskeyti Eflingar. Fáðu ferskar fréttir af baráttunni og réttindum þínum í tölvupósti.
ErrorHere