Geiri

Hjúkrunarheimili SFV

Kjarasamningar Samtaka fyrirtækja í velferðarþjónustu (SFV) og launatöflur ríkis og hjúkrunarheimila

Hér er eingöngu átt við hjúkrunarheimili sem eru undir kjarasamningi Samtaka fyrirtækja í velferðarþjónustu; Dvalarheimilið Ás, Heilsuvernd Vífilsstöðum, Eir, Grund,Hamrar hjúkrunarheimili, Hlíðabær, Hrafnista, Múlabær, Mörk, SÁÁ, Sjálfsbjargarheimilið, Skjól, Skógarbær, Sóltún, Sunnuhlíð (Vigdísarholt), Fríðuhús og Drafnarhús.
Starfsfólk á hjúkrunarheimilunum Seljahlíð og Droplaugarstöðum eru undir kjarasamningi Eflingar og Reykjavíkurborgar.

Starfsheiti

Öll starfsheiti

Réttindi

Orlofsréttur

Veikindi í orlofi

Orlofsárið er frá 1. maí til 30. apríl.
Lágmarksorlof er 30 dagar eða 216 klst. (miðað við 36 stunda vinnuviku og hlutfallslega sé búið að stytta vinnutímann).
Allir eiga rétt á lágmarksorlofi, en launalausu hafi þeir ekki áunnið sér réttinn. Orlofsfé er 13,04%.
Veikindi og fæðingarorlof allt að 6 mánuðum telst til ávinnslutíma.
Tímabil sumarorlofs er 15. maí til 30. september og á starfsmaður rétt á a.m.k. 160 stunda orlofi á sumarorlofstíma.
Sé orlof eða hluti orlofs tekið utan sumarorlofstímabils, að skriflegri beiðni yfirmanns, skal sá hluti orlofsins lengjast um 25%.

Veikindi í orlofi

Veikist starfsmaður í orlofi, telst sá tími sem veikindum nemur ekki til orlofs, enda sanni starfsmaður með læknisvottorði að hann geti ekki notið orlofs.
Tilkynna skal yfirmanni strax með símtali eða símskeyti ef um veikindi eða slys í orlofi er að ræða.

Lesa

Uppsagnarfrestur

Áminning

Uppsögn miðast við mánaðamót.
Reynslutími er almennt 3 mán. –Uppsagnarfestur á reynslutíma er einn mánuður.
Að loknum reynslutíma er uppsagnarfrestur þrír mánuðir
Uppsagnarfrestur eftir 10 ára samfellt starf er : –Við 55 ára lífaldur 4 mánuðir –Við 60 ára lífaldur 5 mánuðir –Við 63 ára lífaldur 6 mánuðir
Starfsmaður getur hins vegar sagt upp starfi sínu með 3ja mánaða fyrirvara.

Áminning

Yfirmanni er skylt að veita starfsmanni áminningu áður en til uppsagnar kemur.
Ástæður geta verið óstundvísi, vanræksla, óhlýðni við boð eða bann yfirmanns, vankunnátta eða óvandvirkni í starfi, ölvun, athafnir sem þykja ósæmilegar, óhæfilegar og ósamrýmanlegar starfinu.
Áminningu þarf ekki ef uppsögn er vegna samdráttar, skipulagsbreytinga eða hagræðingar á stofnun.

Lesa

Desemberuppbót

Þeir sem eru við störf fyrstu viku nóvember eða hafa starfað í 13 vikur samfellt á árinu skulu fá greidda desemberuppbót 1. desember ár hvert. Full uppbót miðast við fullt starf tímabilið 1. janúar til 31. október.

Desemberuppbót er föst fjárhæð og orlof reiknast ekki ofan á uppbótina.

Desemberuppbót er greidd m.v. starfshlutfall og starfstíma.

Desemberuppbót á að gera upp við starfslok.

Uppbótin er:

Á árinu 2024 106.000 kr.
Á árinu 2025 110.000 kr.
Á árinu 2026 114.000 kr.
Á árinu 2027 118.000 kr.

Orlofsuppbót

Orlofsuppbót á að koma til greiðslu 1. júní ár hvert.

Þeir sem hafa starfað 13 vikur samfellt á orlofsárinu eða eru í starfi til 30. apríl eiga rétt á uppbót.

Þeir sem hafa verið í fullu starfi á orlofsárinu, 1. maí – 30. apríl hvert ár, eiga rétt á fullri uppbót annars greiðist hún í samræmi við starfshlutfall og starfstíma. Orlofsuppbót er föst fjárhæð og orlof reiknast ekki ofan á orlofsuppbótina.

Orlofsuppbót á að gera upp við starfslok.