Um kjarasamninginn
Nýundirritaður kjarasamningur milli Eflingar stéttarfélags og Samtaka atvinnulífsins er hluti af Stöðugleika- og velferðar samningnum 2024 – 2028. Kjarasamningurinn hefur þau meginmarkmið að stuðla að lækkun verðbólgu og vaxta og einnig að efla tilfærslukerfi heimila landsins.
Skoða meira
Skrifað var undir kjarasamning á milli Eflingar og Samtaka atvinnulífsins þann 7. mars síðastliðinn. Samningurinn felur í sér bætt kjör og réttindi Eflingarfélaga næstu fjögur árin. Samningurinn rennur út í lok janúar 2028.
Samningurinn er þó ekki gildur nema með samþykki félagsfólks í atkvæðagreiðslu. Verði samningurinn samþykktur gildir hann frá 1. febrúar 2024 og rennur út í lok janúar 2028.
Kynningarefni um kjarasamninginn
Launahækkun
Launahækkun er afturvirk frá 1. febrúar 2024.
Fyrir 100% starf er hækkun að lágmarki 23.750 kr. eða 3,25%
Skoða meira
Hækkanir yfir samningstímann eru eftirfarandi:
| 1. febrúar 2024 | 3,25% | Að lágmarki 23.750 kr. |
| 1. janúar 2025 | 3,50% | Að lágmarki 23.750 kr. |
| 1. janúar 2026 | 3,50% | Að lágmarki 23.750 kr. |
| 1. janúar 2027 | 3,50% | Að lágmarki 23.750 kr. |
Launatöflur eru aðgengilegar í samningnum og verða uppfærðar á efling.is verði samningurinn samþykktur.
Sérstakar hækkanir hjá ræstingafólki
Frá og með 1. febrúar 2024 raðast störf við ræstingu í launaflokk 8 en voru áður í launaflokki 6.
Sérstök viðbótargreiðsla, ræstingarauki, verður greiddur frá 1. ágúst 2024. Ræstingaraukinn er 19.500 kr. sérgreiðsla á mánuði miðað við 100% starf. Greiðslan er til viðbótar við hækkanir á launatöflu.
Aðrar breytingar
- Aukið næturálag hjá starfsfólki veitingahúsa 00:00-05:00 aðfaranótt laugardags og sunnudags.
- Breytingar á trúnaðarmannakaflanum.
- Aukin vernd starfsfólks sem leggur fram athugasemdir við aðbúnað og aðstæður á vinnustað.
Sjá nánar um aðrar breytingar hér:
Afturvirkni
Kjarasamningur á almenna markaðnum gildir frá 1. febrúar, sem þýðir að atvinnurekandi þarf að greiða starfsmanni með marslaunum þær hækkanir sem koma ofan á febrúarlaun.
Skoða meira
Þegar afturvirknin er greidd þá er mikilvægt að skoða launaseðilinn sinn vel.
Það sem hefur breyst með nýjum kjarasamning er eftirfarandi:
- Hækkun á launatöflum
- 23.750 kr. hækkun að lágmarki
- Samsvarandi hækkanir á öllu tímakaupi (dagvinnu, vaktavinnu og yfirvinnu)
- Laun sem eru fyrir ofan launatöflur hækka um 3,25% en þó aldrei minna en 23.750 kr.
- 3,25% hækkun á kjaratengdum liðum frá 1. febrúar (þar er átt við t.d. bónusa í fiskvinnslu og aðrar sérgreiðslur sem eru í kjarasamningum)
- Ræstingarstörf hækka í launaflokk 8
Launatafla frá 1. febrúar 2024
| Launaflokkur | Byrjunarlaun | 1 ár | 3 ár | 5 ár |
| Launaflokkur 4 | 425,985 | 430,245 | 436,699 | 445,433 |
| Launaflokkur 5 | 428,456 | 432,741 | 439,232 | 448,017 |
| Launaflokkur 6 | 430,941 | 435,250 | 441,779 | 450,615 |
| Launaflokkur 7 | 433,440 | 437,774 | 444,341 | 453,228 |
| Launaflokkur 8 | 435,954 | 440,314 | 446,919 | 455,857 |
| Launaflokkur 9 | 438,483 | 442,868 | 449,511 | 458,501 |
| Launaflokkur 10 | 441,026 | 445,436 | 452,118 | 461,160 |
| Launaflokkur 11 | 443,584 | 448,020 | 454,740 | 463,835 |
| Launaflokkur 12 | 446,157 | 450,619 | 457,378 | 466,526 |
| Launaflokkur 13 | 448,745 | 453,232 | 460,030 | 469,231 |
| Launaflokkur 14 | 451,348 | 455,861 | 462,699 | 471,953 |
| Launaflokkur 15 | 453,966 | 458,506 | 465,384 | 474,692 |
| Launaflokkur 16 | 456,599 | 461,165 | 468,082 | 477,444 |
| Launaflokkur 17 | 459,247 | 463,839 | 470,797 | 480,213 |
| Launaflokkur 18 | 461,911 | 466,530 | 473,528 | 482,999 |
| Launaflokkur 19 | 464,590 | 469,236 | 476,275 | 485,801 |
| Launaflokkur 20 | 467,285 | 471,958 | 479,037 | 488,618 |
| Launaflokkur 21 | 469,995 | 474,695 | 481,815 | 491,451 |
| Launaflokkur 22 | 472,721 | 477,448 | 484,610 | 494,302 |
| Launaflokkur 23 | 475,463 | 480,218 | 487,421 | 497,169 |
| Launaflokkur 24 | 478,221 | 483,003 | 490,248 | 500,053 |
Hækkanir á orlofs- og desemberuppbótum
Samkvæmt samningnum munu orlofs- og desemberuppbætur hækka á samningstímanum.
Skoða meira
Hækkanir á desember- og orlofsuppbótum 2024-2028:
| Orlofsuppbót | Desemberuppbót | |
| 2024 | 58.000 kr. | 106.000 kr. |
| 2025 | 60.000 kr. | 110.000 kr. |
| 2026 | 62.000 kr. | 114.000 kr. |
| 2027 | 64.000 kr. | 118.000 kr. |
Orlof
Í samningunum eru orlofsréttindi félagsfólks aukin. Allir Eflingarfélagar sem hafa unnið í 6 mánuði eða lengur í starfsgrein og eru eldri en 22 ára fá nú 25 daga lágmarksorlof, en orlof þeirra var áður 24 dagar.
Skoða meira
- Breytingar á orlofsávinnslu gilda frá 1. maí 2024
- Starfsmaður sem er 22 ára eða eldri og hefur starfað í 6 mánuði í sama fyrirtæki skal eiga rétt á:
- 25 virkum dögum í orlof
- Orlofslaunum sem nema 10,64%
- Starfsmaður sem hefur unnið í 5 ára í sama fyrirtæki skal eiga rétt á:
- 26 virkum dögum í orlof
- Orlofslaunum sem nema 11,11%
- Orlofsávinnsla þeirra sem unnið hafa í 5 ár í sama fyrirtæki breytist svo aftur frá 1. maí 2025 þannig að þeir eiga rétt á:
- 28 virkum dögum í orlof
- Orlofslaun sem nema 12,07%